Үлэ уонна социальнай харысхал министиэристибэтэ хос быһаарар

Үлэ уонна социальнай харысхал министиэристибэтэ оҕолорго 10 тыһ. солкуобайдаах төлөбүр көрүллэрин чуолкайдыыр. 
Бастакытынан, төлөбүр 6 сааһыттан 18 диэри, 2003 сыл от ыйын 3 күнүттэн 2015 сыл балаҕан ыйын 1 күнүгэр диэри төрөөбүт оҕолорго көрүллэр (оскуолаҕа үөрэнэллэриттэн-үөрэммэттэриттэн тутулуга суох). 
Иккиһинэн, төлөбүр 18 саастарыттан 23 диэри, 1998 сыл от ыйын 3 күнүн кэнниттэн төрөөбүт, оскуолаҕа үөрэнэ сылдьар доруобуйаларыгар хааччахтаах оҕолордоох дьиэ кэргэттэргэ көрүллэр. 
Ити төлөбүрү ыларга сайабылыанньа суруйуохха наада (госөҥөлөр сайтарыгар эбэтэр Биэнсийэ пуондугар). Сайабылыанньаны от ыйын 15 күнүттэн туталлар. 
Быһа барылынан, төлөбүрү 20,4 мөл. оҕо ылыаҕа. Бүддьүөттэн ити сыалга 204 миллиард солкуобай көрүллүбүт. Ол туһунан дьаһалга президент Владимир Путин от ыйын 2 күнүгэр илии баттаабыт. Элбэх дьиэ кэргэн ити харчыны үөрэх дьыла чугаһаатаҕына ылыаҕа. Министиэристибэ төлөбүрү атырдьах ыйын 16 күнүн кэнниттэн түһэрэри былаанныыр. Ол эрэн сайабылыанньаны сэтинньи ый ортотугар диэри биэриэххэ сөп.