30.04.2020 | 14:41

Үлэ уонна Саас бырааһынньыгынан!

Үлэ уонна Саас бырааһынньыгынан!
Ааптар: Киин Куорат
Бөлөххө киир

Ытыктабыллаах Дьокуускай куорат  олохтоохторо!

Күндү биир дойдулаахтарым!

Дьокуускай куорат дьаһалтатын уонна тус бэйэм ааппыттан Ыам ыйын 1-гы күнүнэн, Үлэ уонна Саас бырааһынньыгынан эҕэрдэлиибин!

Үлэ уонна Саас бырааһынньыга – норуот биир сөбүлүүр бэлиэ күнэ. Сомоҕолоһуу, үчүгэй олоххо тардыһыы, социальнай сайдыы бэлиэтэ буолбут бырааһынньыкпыт айылҕа уһуктуутун кытта ситимнээҕэ үөрүүлээх.

Биһиги ити сырдык санааларбыт, кэрэҕэ эрэлбит, бастыҥ идеяларбыт үлэһит норуот, боростуой оробуочай дьон уонна сатабыллаах салайааччылар, предпринимателлэр баар буолан олоххо киирэллэр. Оттон сарсыҥҥыга эрэллээх буолуубут, олохпут уйгута тупсара сөбүлүүр үлэбитинэн, олорор куораппытынан, өрөспүүбүлүкэбитинэн, дойдубутунан киэн туттууну үөскэтэр.

Билигин уустук кэмнэр үүннүлэр. Кутталлаах дьаҥ биһиги уопсастыбабытын түмсүүлээх буоларга, киһи быһыытынан үтүө хаачыстыбаларбытын инники күөҥҥэ таһаарарга, бэйэ-бэйэбитигэр көмөлөсүһэргэ, өйдөһөргө, өйөһөргө ыҥырда. Бастатан туран, нэһилиэнньэ кэбирэх араҥатыгар, кырдьаҕастарга уонна кырачаан оҕолорго ураты болҕомтобутун уурабыт. Былаастар билигин нэһилиэнньэҕэ көмөлөһөр миэрэлэри ылаллар. Үлэтэ суох хаалбыттарга, аччыгый уонна дьоҕус бизнес бэрэстэбиитэллэригэр өйөбүл буолар дьаһаллар олоххо киирэллэр.

Мин санаабар, олох күчүмэҕэйдэрин, кириисис ыарахан кэмин түмсүүлээх үлэнэн эрэ этэҥҥэ туоруохпут.

Быйыл биллэриллибит Көлүөнэлэр сылларыгар биһиги иннибитинээҕи айбыт-туппут көлүөнэлэр экономикаҕа, промышленнаска ситиспит сайдыыларын биһиги, куорат бүгүҥҥү олохтоохторо, салҕыахтаахпыт. Ыччаппыт диэки эрэллээхтик көрөбүт, сарсыҥҥыбыт кинилэртэн тутулуктааҕын өйдүүбүт.

Ураты иһирэх эҕэрдэ тылларын куораппыт экономикатын уонна социальнай эйгэтин тутан таһаарбыт аҕа көлүөнэҕэ, үлэ бэтэрээннэригэр, оҥорон таһаарыы туйгун үлэһиттэригэр, оробуочай кылааска аныыбын.

Күндү биир дойдулаахтарым, бука барыгытыгар чэгиэн буолууну, иллээх-эйэлээх олоҕу, үүнүүнү-сайдыыны баҕарабын!

Дьокуускай куорат баһылыга Сардаана Авксентьева

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...