Үлэ уонна регион социальнай сайдыытын миниистирэ коррекционнай оскуола-интэринээт үөрэнээччилэрин эҕэрдэлээтэ

Билии күнүнэн үлэ уонна регион социальнай сайдыытын миниистирэ Елена Волкова өрөспүүбүлүкэтээҕи кыайан истибэт оҕолор үөрэнэр (коррекционнай) оскуола-интэринээт үөрэнээччилэрин кэлэн эҕэрдэлээтэ. Ол туһунан биэдэмистибэ пресс-сулууспата иһитиннэрдэ.  
Миниистир оскуола-интэринээт педагогтарын уонна иитээччилэрин эҕэрдэлээн туран оҕолору иитиигэ настаабынньык быһыытынан билиилэрин биэрэллэрин, уопуттарын атастаһалларын, 2021 сылга өрөспүүбүлүкэтээҕи кыайан истибэт оҕолор үөрэнэр (коррекционнай) оскуола-интэринээттэрэ «Үөрэҕирии» национальнай бырайыак «Аныгы оскуола» федеральнай бырайыагар киирбитин бэлиэтээтэ. Бырайыак чэрчитинэн материальнай база саҥардыллар, саҥа тэриллэринэн хааччыллар. Сайыҥҥы сынньалаҥ кэмигэр өрөмүөн ыытыллыбыт, оскуолаҕа саҥа тэриллэр кэлэллэр.  
Оскуола-интэринээт алын сүһүөх кылаастарыгар анаан аныгы үөрэх эйгэтин тэрийэргэ кэбиниэттэр аһыллыбыттар. Кыайан истибэт оҕолор дьарыктанар хайысхалара – ритмика, ЛФК, «Робототехника» хайысханан мастарыскыайдар, «Глухой фильм» оскуола бырайыагын базатыгар үөрэнэр оҕолор айар кыахтарын сайыннарар фото-видео студия кэҥиир кэскиллэммиттэр. 
Билии Күнүнэн оскуола-интэринээт дириэктэрэ Оксана Винокурова эҕэрдэлээтэ. Кини үөрэнээччилэр өрөспүүбүлүкэ эрэ буолбакка, Арассыыйа таһымыгар оскуола ситиһиитигэр төһүү кылааты киллэрэллэрин, оттон учууталлар доруобуйаларын туругар хааччахтаах оҕолорго үөрэҕирии саҥа технологияларын туттан үөрэтэллэрин бэлиэтээтэ.