28.04.2021 | 22:23

Үлэ көмүскэлин ыйа көхтөөхтүк түмүктэнэн эрэр

СӨ Бырабыыталыстыбатын дьаһалынан муус устар 1-30 күннэригэр Үлэ көмүскэлин ыйа биллэриллибитэ. Бу ый устата өрөспүүбүлүкэ бары муниципальнай тэриллиилэригэр, министиэристибэлэр бары салааларыгар, тэрилтэлэргэ араас тэрээһиннэр ыытылыннылар.
Үлэ көмүскэлин ыйа көхтөөхтүк түмүктэнэн эрэр
Ааптар: Киин Куорат

«Үлэ көмүскэлин ыйа сылын аайы бэлиэтэнэр. Сүрүн сыала диэн үлэ көмүскэлигэр уонна үлэһиттэр доруобуйаларыгар, усулуобуйаларыгар болҕомтону күүһүрдүү,  эчэйии, дэҥнэнии, оһоллонуу ахсаана намтыырын ситиһии», – диэн эппитэ “Былааһы кытта диалог” араадьыйанан биэрии аһаҕас эфиригэр үлэ уонна социальнай сайдыы миниистирин солбуйааччы Альбина Трубина. Кини тэрээһиннэр эпидемиологическай быһыыны-майгыны учуоттаан, санитарнай нуорманы уонна тэйиччи туттуу быраабылаларын тутуһан, видеоконференц-сибээс быһыытынан бараллара ордугун тоһоҕолоон эппитэ.

Бу ыйга былааннаммыт тэрээһиннэр тиһигин быспакка буола тураллар. Ол курдук судаарыстыбаннай былаас ситэриилээх уонна муниципальнай оройуоннар бэйэни салайыныы уорганнарыгар, ону сэргэ судаарыстыбаннай уонна да атын тэрилтэлэргэ онлайн семинардар,  үлэлиир сирдэргэ бэрэбиэркэ уонна үөрэтии ыытыллар. Маны сэргэ араас күрэхтэр буолаллар, үгүс кыттааччыны хабаллар.  Холобур, Дьокуускай куоракка сылын аайы «Үлэ көмүскэлин тэрийиигэ бастыҥ тэрилтэ» күрэх нэһилиэнньэ сэҥээриитин ылар.  

«Саха сирин тимир суоллара» акционернай хампаанньаҕа монтердар уонна биригэдьиирдэр икки ардыларыгар ыытыллыбыт күрэх түмүктэннэ. Кыттааччылар тимир суолга үлэ көмүскэлин ирдэбиллэрин төһө үчүгэйдик билэллэрин көрдөрдүлэр. Манна барыта 22 киһи кытынна. Кинилэр 30 мүнүүтэ иһигэр 15 ыйытыкка хоруйдаатылар. Түмүккэ саамай үрдүк 15 баалы ылан, 2-с нүөмэрдээх суол монтера Семен Жирков кыайыылааҕынан таҕыста. 13 бааллаах 1-гы нүөмэрдээх суол монтера Владимир Ванчугов 2-с миэстэҕэ тигистэ.  Эмиэ 13 бааллаах 1-гы нүөмэрдээх суол монтера Евгений Тархов арыый да бытааннык эппиэттээн, 3-с миэстэ буолла.

Күрэх кыайыылааҕа Семен Жирков 1 истиэпэннээх дипломунан уонна 5000 солкуобай харчынан бириэмийэлэннэ. Призердар Владимир Ванчугов уонна Евгений Тархов 2-с уонна 3-с истиэпэннээх дипломнарынан, 4-түү тыһыынча харчынан наҕараадаланнылар.

 

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.