28.05.2024 | 11:23

Үлэ харыстабылын ыйын түмүктэрэ

Үлэ харыстабылын ыйын түмүктэрэ
Ааптар: Киин Куорат
Бөлөххө киир

Муус устар ый устата буолан ааспыт үлэ харыстабылыгар аналлаах тэрээһиннэргэ Дьокуускайга 34 460 киһи кыттыыны ылла, диэн иһитиннэрэр Олохтоох дьаһалта үлэ харыстабылыгар салаата. 
Дьаһалта баһылыгын социальнай боппуруостарга солбуйааччы Наталья Степанова бэлиэтээбитинэн, үлэ харыстыбылыгар аналлаах ый сыл аайы Дьокуускай куорат территориятыгар үлэ усулуобайатын тупсарар, үлэ миэстэтэ куттала суох буолуутун хааччыйар, үлэни кытта сыһыаннаах ыарыы ахсаанын аҕыйатар сыалтан ыытыллар.
Санатар буоллахха, үлэ харыстабылын ыйа быйыл Олохтоох дьаһалта дьиэтигэр «Үлэ харыстабыла. Экспо-2024» быыстапка-дискуссияттан саҕаламмыта. Бу күн «Айылҕа уларыйыыта тэрилтэ үлэһиттэрин доруобуйатыгар уонна үлэ хаачыстыбатыгар сабыдыала», «Идэни кытта сыһыаннаах ыарыылар уонна медосмотр», «Доруобай аһылык – доруоуйа төрдө», «Бастакы көмөнү оҥорууга үөрэтии», «Ыксаллаах быһыы-майгы үөскүүр түгэнигэр үлэһиттэр тугу гыныахтаахтара», «Үлэһит доруобуйатын харыстыыр уонна бөҕөргөтөр бырагыраамалар» тиэмэлэргэ лиэксийэлэр ыытыллыбыттара. 
Ый устата бу тиэмэлэргэ уопсайа 1 074 тэрээһин, ол иһигэр 311 төгүрүк остуол, 220 семинар, 174 куонкурус, 369 аһаҕас аан күннэрэ уонна консультациялар буолан аастылар. 
Ыытыллар тэрээһиннэр сүрүн сыаллара үлэ миэстэтигэр эчэйиини ылыыны суох оҥорууну, үлэни кытта ситимнээх ыарыылары аҕыйатыыны, үлэ миэстэтэ киһи олоҕор уонна доруобуйатыгар куттала суох буолуутун хааччыйыыны кытта ситимнээхтэр. Ол курдук, үлэ харыстабылын тэрйиигэ, үлэ култууратын үрдэтиигэ, үлэ миэстэтэ куттала суох буолуутун хааччыйыыга куорат тэрилтэлэрэ ый устата 77 045,55 тыһ. солк. суумалаах үбү туһаҕа таһаардылар, ол иһигэр: үлэ усулуобуйатын сыаналатыыга – 1 986,45 тыһ. солк.; үлэ усулуобуйатын тупсарыыга – 3 068,77 тыһ. солк.; медосмотрдары ыытыыга – 29 065,63 тыһ. солк.; үлэ харыстабылыгар уонна бастакы көмөнү оҥорууга үөрэтиигэ – 2 981,66 тыһ. солк.; үлэ харыстабылыгар аналлаах истиэндэлэри тэрийиигэ – 519,46 тыһ. солк.; СИЗ атыылаһыыга – 38 659,50 тыһ. солк.
Маны сэргэ тэрилтэлэр үлэ харыстабылыгар исписэлиистэрин ортотугар күрэх, хаартыска, уруһуй, видео, бырайыак куонкурустара буолан аастылар. 
Ыытыллыбыт тэрээһиннэр үлэ миэстэтэ куттала суох буоларын ситиһиигэ, салайааччылар болҕомтолорун үлэ харыстабылыгар хатыырга, үлэ миэстэтигэр эчэйии тахсыбатын ситиһэргэ о.д.а. көмөлөһөллөр, диэн иһитиннэрэр үлэ харыстабылыгар салаа.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...