01.04.2022 | 13:00

Үлэ харыстабылын ыйа саҕаланна

Үлэ харыстабылын ыйа саҕаланна
Ааптар: Киин Куорат
Бөлөххө киир

Олохтоох дьаһалта муус устар 1 күнүттэн 30 күнүгэр диэри куорат уокуругун территориятыгар үлэ харыстабылын ыйын биллэрдэ. Тэрээһин соруга – үлэ усулуобуйатын уонна харыстабылын тупсарыы, үлэ харыстабылын эйгэтигэр пропаганданы уонна информацияны тириэрдии, тэрилтэлэргэ оһол түбэлтэлэрин уонна идэни кытта сибээстээх ыарыылары аҕыйатыы. Бу туһунан Олохтоох дьаһалта пресс-сулууспата иһитиннэрдэ.
Ый устата бас билии бары көрүҥнэринэн үлэлиир тэрилтэлэр салайааччылара салааларынан үлэ харыстабылын туругун бэрэбиэркэлииллэр, тэрилтэлэригэр үлэ харыстабылын салайыы систиэмэтин балаһыанньатын хос көрөллөр, үлэ усулуобуйатын сыаналыыллар. Итини кытта медицинскэй көрүү-истии, үлэ харыстабылыгар үөрэтии уонна билиилэрин бэрэбиэркэлээһин, бастакы көмөнү оҥорууга үөрэтии ыытыллар, үлэһиттэргэ үлэ харыстабылын сокуонун ирдэбиллэрин билиһиннэрэллэр. 
Тэрээһин чэрчитинэн куораттааҕы куонкурустар ыытыллаллар – «Үлэ харыстабылыгар куорат уокуругун бастыҥ исписэлииһэ», «Үлэ харыстабылын бастыҥ муннуга». Оҕолорго анаан «Үлэ харыстабыла оҕолор харахтарынан» уруһуй, хоһоон куонкурустара, уһуйааннарга уонна оскуолаларга кылаас чаастара ыытыллаллар. Үрдүк уонна орто үөрэх кыһаларыгар  үлэ харыстабылыгар сыһыаннаах көрсүһүүлэр, лекциялар буолаллар. Уокуруктар упраавалара үлэ сокуонун уонна харыстабылын боппуруостарынан гражданнарга  тэрилтэлэр салайааччылара, хонтуруоллуур уорганнар уонна идэлээх сойуустар кыттыылаах консультациялары ыыталлар. 
Муус устар 8 күнүгэр «Смарт библиотека» дьиэтигэр «ОХРАНА ТРУДА.ЭКСПО-22» дискуссия-быыстапка, вебинардар, практикумнар ыытыллыахтара.
Олохтоох дьаһалта тэрилтэ салайааччыларын, үлэ харыстабылыгар исписэлиистэрин куораттааҕы тэрээһиннэргэ көхтөөх кыттыыны ылалларыгар ыҥырар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...