02.06.2021 | 19:11

Өлүөнэ эбэни туоруур муостаны тутарга көҥүл бэрилиннэ

Өлүөнэ эбэни туоруур муостаны тутарга көҥүл бэрилиннэ
Ааптар: Киин Куорат
Бөлөххө киир

Өрөспүүбүлүкэ Архитектураҕа уонна куорат тутуутугар управлениета Өлүөнэ эбэни туоруур муостаны тутуу бастакы түһүмэҕэр – тутуу территориятын бэлэмнээһиҥҥэ көҥүлү биэрдэ. Ол туһунан управление пресс-сулууспата иһитиннэрдэ. 
2022 сыл ыам ыйын 15 күнүгэр диэри болдьохтоох көҥүлү тутууну ыытааччы – «Восьмая концессионная компания» ылла. Генеральнай бырайыактыыр тэрилтэнэн «Гипростроймост институт – Санкт-Петербург» буолар. 


«Үлэ чэрчитинэн инженернэй ситимнэри уларытан оҥоруу былааннанар. Ол курдук 14 тирээбиллээх 3521 м  уонна 48 тирээбиллээх 9210 м уот ситимнэрин уларытан оҥоруохтара», – диэн этиллэр пресс-сулууспа иһитиннэриитигэр. Итини таһынан, 133 мм – 565 м уонна 159 мм – 337 м эргимтэлээх үрдүк баттааһыннаах гаас уонна 7430 м сибээс ситимэ оҥоһуллара былааннанар. 
Өлүөнэ муостата Транссибирскай уонна Байкал-Амур сүрүн суолларын Хотугу муора суолун кытта, ону ааһан инники өттүгэр Европа уонна Азия-Чуумпу акыйаан регионун икки ардыларын холбуур көрүдүөр буолуон сөп. 


Муоста Эргэ Табаҕа сэлиэнньэтиттэн Мэҥэ Хаҥалас улууһун Хаптаҕай сэлиэнньэтигэр диэри буолуоҕа. Кини Дьокуускайга тырааныспар логистикатын түмүөҕэ уонна федеральнай маршруттары арыйыаҕа:  тимир уонна уу суоллара, авиация, ону сэргэ «Бүлүү», «Өлүөнэ» уонна «Халыма» федеральнай суолталаах суоллары. Муоста көмөтүнэн таһаҕас таһыыта региоҥҥа үс төгүл – сылга алта мөлүйүөн туоннаҕа тиийэ үрдүөҕэ.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Волонтер эр дьон. Кинилэр кимнээҕий?
Дьон | 22.02.2024 | 11:20
Волонтер эр дьон. Кинилэр кимнээҕий?
Биһиги волонтердар тустарынан ордук пандемия кэмигэр истибиппит. Кинилэр ыалдьыбыт, кыаммат дьоҥҥо астарын, эмтэрин босхо тиэрдэн биэриигэ, араас соруктарга сылдьыбыттара. Волонтердар ойуур баһаардарыгар эмиэ күүстэрин харыстаабакка үлэлээбиттэрэ.
«Үрүҥ илгэ»: эдэр худуоһунньук Семен Нучеканов быыстапката
Сынньалаңңа | 18.02.2024 | 12:00
«Үрүҥ илгэ»: эдэр худуоһунньук Семен Нучеканов быыстапката
Олунньу 8 күнүттэн “Худуоһунньук дьиэтэ” галереяҕа эдэр худуоһунньук Семен Нучеканов “Үрүҥ илгэ” ааптарыскай быыстапката арылынна.