Өлүөхүмэ улууһун кытта бииргэ үлэлээһин туһунан сөбүлэҥ баттанна

Сөбүлэҥ өрөспүүбүлүкэ улуустарын кытта муниципальнай сибээһи бөҕөргөтөр сыаллаах.

«Сөбүлэҥ сүрүнэ – Дьокуускай куорат территориятыгар кыттыгас бырайыактары олоххо киллэрии. Улуус дьаһалтатын сыала биһиги былааммытын кытта сөп түбэһэр. Ол иһин сөбүлэҥ көмөтүнэн тиһиктээх былаан оҥоруохпут, ол иһигэр спортка уонна култуураҕа сыһыаннаах маассабай тэрээһиннэри», - диэтэ Евгений Григорьев.

Өлүөхүмэ улууһун баһылыга Николай Харбин тыа хаһаайыстыбатын бородууксуйатын элбэтии сүрүн хайысханан буоларын бэлиэтээтэ. Итиэннэ түүлээҕи таҥастааһын уонна ойуур промышленнаһа сайдан иһэрин кэпсээтэ.

Сөбүлэҥҥэ илии баттааһын кэмигэр тэрээһин кыттыылаахтара маннык ньыманан бииргэ үлэлээһин оройуон уонна өрөспүүбүлүкэ киин куората социальнай-экономическай сайдыыларын төрүөтэ буоларыгар эрэллэрин биллэрдилэр.