Кырдьаҕастарга бородууктанан көмө оҥоһуллар

Өрөспүүбүлүкэ волонтердара 65-тэн аҕа саастаах кырдьаҕастарга уонна инбэлииттэргэ биир кэмнээх бородууктанан көмө оҥоруохтара. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Волонтердар Саха сиригэр изоляция эрэһиимэ биллэриллибит улуустарын 65-тэн аҕа саастаах олохтоохторуттан сайаапкалары хомуйууну саҕалаатылар. Алдан, Ленскэй, Бүлүү, Сунтаар, Горнай улуустара, ону тэҥэ Жатай бөһүөлэгэ уонна Дьокуускай куорат киирдилэр.

Сайаапканы хомуйууга киһи төрөөбүт күнэ уонна олорор аадырыһа учуоттанар. Көмө ылыан баҕалаахтар бу нүөмэрдэргэ эрийэн билсиҥ:

8 4112 31-90-72

8 4112 35-10-46.

Бырайыак бүтүн Арассыыйатааҕы «Медик волонтердар» уопсастыбаннай хамсааһын тэрийиитинэн ыытыллар.