21.12.2022 | 15:00

Кырдьаҕастар сэбиэттэрин мунньаҕа ыытылынна

Ахсынньы 20 күнүгэр Олохтоох дьаһалтаҕа Дьокуускай куорат Кырдьаҕастарын сэбиэтин отчуоттуур-быыбардыыр мунньаҕа ыытылынна. Отчуоту куорат баһылыга Евгений Григорьев иһиттэ.
Кырдьаҕастар сэбиэттэрин мунньаҕа ыытылынна
Ааптар: Киин Куорат
Бөлөххө киир

Киин куорат Кырдьаҕастарын үрдүкү сэбиэтин бэрэссэдээтэлэ Николай Лепчиков Сэбиэт 2016-2020 сыллардааҕы үлэтин туһунан дакылааты иһитиннэрдэ. Пандемиянан сибээстээн, кэнники икки аҥаар сыл мунньах очнай көрүҥүнэн ыытыллыбата, ол эрэн үлэ тохтообото.

Кырдьаҕастар үрдүкү сэбиэттэригэр Дьокуускай бочуоттаах гражданнара, араас салаа, ол иһигэр үөрэҕирии эйгэтин, доруобуйа харыстабылын, норуот хаһаайыстыбатын эйгэлэрин бэрэстэбиитэллэрэ бааллар. Ол эрэн, болдьохторо ааһан, 5 сылга  Сэбиэт саҥа састааба талыллар.

«Балаһыанньаҕа олоҕуран, Сэбиэт кырдьаҕастара – 60 саастарын ааспыт уопуттаах дьон, СӨ норуотун хаһаайыстыбатын үтүөлээх үлэһиттэрэ. Кинилэр соруктара – Олохтоох дьаһалтаҕа уонна  Дьокуускай куораттааҕы Дуумаҕа көмө, өйөбүл, былааһы кытта бииргэ үлэлээһин. Сэбиэт хас биирдии чилиэнэ үлэҕэ баай уопуттаах, онон билиитинэн-көрүүтүнэн үллэстэр кыахтаах. Саҥа састаап – саҥалыы көрүүлээх дьон», - диэн бэлиэтээтэ Николай Лепчиков.

Николай Васильевич иһитиннэрбитинэн, Сэбиэт 5 сыл тухары куорат тыын суолталаах боппуруостарын көрдө – нэһилиэнньэни ыраас уунан хааччыйыы, оскуолалары тутуу, физкультурнай-чэбдигирдэр үлэ, оскуолалар спортивнай саалаларын хааччыйыы, аптекалар эминэн хааччыллыыларын ситиһии, куорат суолларын өрөмүөнэ, «Туймаада саллаата» пааматынньыгы оҥоруу уо.д.а.  

Отчуот түмүгүнэн Сэбиэт билиҥҥи састаабын оннунан хаалларарга, ол эрэн, аһаҕас куоластааһынынан саҥа чилиэннэри киллэрэргэ диэн быһаарыы ылылынна.

 

«Сэбиэт аатыттан куорат салалтатыгар нэһилиэнньэ олоҕун хаачыстыбата тупсарыгар бииргэ үлэлээһиммит, итиэннэ көмөлөрүн уонна өйөбүллэрин иһин махталбытын тиэрдэбин», - диэтэ Кырдьаҕастар үрдүкү сэбиэттэрин бэрэссэдээтэлэ Николай Лепчиков.

Куорат баһылыга Евгений Григорьев, дакылааты истэн баран, Кырдьаҕастар үрдүкү сэбиэттэрин билиҥҥи састааба Айсен Николаевтан саҕалаан, үс баһылык тухары үлэлээбитин бэлиэтээтэ.

«2017 сылтан куораппытыгар күн аайы улахан уларыйыылар тахсаллар, ол иһигэр, Кырдьаҕастар сэбиэттэрин үтүө сүбэлэрин көмөтүнэн. Кырдьаҕастар үрдүкү сэбиэттэрин мунньаҕар кыттарбыттан уонна үлэбэр саҥа хайысхалары киллэрэрбиттэн үөрэбин. Олохтоох дьаһалта Дьокуускай бочуоттаах гражданнарын уонна араас салаа үтүөлээх үлэһиттэрин кытта көрсөр, алтыһар кыахтааҕа үөрүүлээх. Бүгүн, анал байыаннай эпэрээссийэ ыытылларынан сибээстээн, кыттыылаахтар дьиэ кэргэттэрин өйөөһүҥҥэ элбэх боппуруос тахсар, итиннэ  Кырдьаҕастар сэбиэттэрин көмөтүгэр эрэнэбин», - диэн бэлиэтээтэ Евгений Григорьев.       

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.