26.09.2020 | 18:02

Кыраһыабай буолуу бэйэбититтэн тутулуктаах

Кыраһыабай буолуу бэйэбититтэн тутулуктаах
Ааптар: Киин Куорат

Кыыс оҕо барахсан хайа күн сирин көрүөҕүттэн кэрэҕэ талаһар, кыраһыабай көстүүлээх буолуон баҕарар. Хас биирдии кэрэ аҥаар бэйэтэ кистэлэҥнээх, туһунан туттар косметикалаах. Бу, биллэн турар, киниэхэ барсарыттан, тириитэ ылынарыттан.

Мин үс сиэн кыыстаахпын. Кинилэр кэлэн бардахтарына улахан сиэркилэм барыта тарбахтарын суола, араастаан тутуһа-тутуһа көрүнүү, уостарын кырааскаланыы, тугу эрэ кэтэн көрүү буолаллар. Ол аайы кинилэр мээрэйдэринэн сиэркилэм киртийэн иһэр. Үнүр улахан сиэмминиин (5 саастаах) лиипкэ киирдибит да, түһүөхпүтүгэр диэри сиэркилэ иннигэр турдубут, эһээбит онуоха эрэ кыһаммат. Дьэ, ити баар, кыыс оҕо барахсан, дьиҥэр, аччыгыйдарым иккилээхтэр эрэ, туох эрэ саҥаны кэттилэр, иилиннилэр да, сиэркилэ диэки сүүрэн тоотойоллоро олус да кыһыылаах, абалаах. Онон, эн сааскыттан тутулуга суох, дьахтар буолан төрөөтүҥ да сиэркилэ олоҕуҥ аргыһа буолара саарбаҕа суох.

Оттон бу сиэркилэ иннигэр кыраһыабай буолан турарбыт инниттэн бэйэбитин көрүнүөххэ, оҥостуохха, маанымсыйыахха диэн аҕыйах кэккэ сүбэни бэчээттиибит.

Сирэйбитин сылы эргиччи көрүнэбит

Сыл түөрт кэмигэр тириибитин көрүнэ сылдьыахтаахпыт диэн косметологтар этэллэр. Сааһы, сайыны аастыбыт, онон күһүҥҥү, кыһыҥҥы сүбэлэри истиэххэ.

Кыһыары күһүн уонна кыһын – сирэй тириитэ ордук кэбириир, мөлтүүр эбит. Онон харыстана, көрүнэ сылдьыахтаахпыт.

Биллэрин курдук, тымныы салгын, тыал-куус киһи тириитин түргэнник кырытыннарар.

Кыһын сарсыарда суунуллубат, кириэмнэниллибэт, тоҕо диэтэххэ сыалаах да крем уулаах буолар (25 бырыһыантан аҕыйаҕа суох). Ол уута тоҥноҕуна, сирэй тоҥор уонна хатырар. Кураанах тириини киэһэ сүөгэйинэн, аһыйбыт үүтүнэн, ынах эбэтэр мас арыытынан соттор үчүгэй.

Хатар тириигэ иҥэмтэлээх кириэм күһүн уонна кыһын киэһэ да, күнүс да туттуллуохтаах. Кыһыҥҥы уонна күһүҥҥү мааскалар сирэйи көрүүгэ-харайыыга эбии көмө буолаллар. Кураанах тириигэ аналлаах мааскаҕа чэй көөнньөһүгүн, туустаах ууну, үүтү, о.д.а. эбэн биэриэххэ сөп. Сыалаах тириигэ аһытыллыбыт, сымнатар мааскалар олус үчүгэйдик дьайаллар.

Таһырдьа дьыбардаах салгыҥҥа өр сылдьар дьоҥҥо уута суох сириэстибэ көмөлөөх: хаас сыатынан эбэтэр сибиинньэ тараһатын сыатынан сотуннахха, тымныыттан харыстаныаҥ. Хаас сыатын эбэтэр сибиинньэ тараһатын сыатын кыра куһуок гына кырбыыгыт, ууллараҕыт, маарыла нөҥүө сиидэлээн баран сөрүүн сиргэ уураҕыт. Сыаҕа сыыҥкабай мааһы эптэххэ (4:1), өр турар.

Салгыҥҥа өр сылдьыбытыҥ кэннэ, тирииҥ түүрэ тардыллыбыт, хатырыктыйбыт буоллаҕына, дьиэҕэр тиийээт, кэмпириэстэ оҥоһун. Соттору да, салфетканы да итии ууга эбэтэр ромашка уонна мята оргуйбут уутугар илитэн баран, 2-3 мүнүүтэ сирэйгэ тут. Онтон сымыыт уоһаҕын 1 ч. нь. А битэмиини, касторовай эбэтэр ханнык баҕарар мас арыытын кытта булкуйан мааска оҥостор туһалаах. 15-20 мүнүүтэнэн маасканы сууйан кэбиһэҕин.

Сонуннар

Ордук ааҕаллар

Эссетэ суруй – смартфонна сүүй!
Сонуннар | 13.05.2021 | 10:59
Эссетэ суруй – смартфонна сүүй!
1991-1992 сылларга бүттүүн норуот өйө-санаата уһуктуутунан кынаттанан тахсыбыт национальнай оскуолалары саҥардыы Концепцията бигэргэтиллэн олоххо киирэн барбыта. Оччотооҕу Национальнай Концепция быйыл 30 сылын туолла. Концепцияттан үгүс чаҕылхай ыччат, сайдам санаалаах дьон үүннүлэр. Национальнай Концепция үбүлүөйдээх сылын көрсө, “Киин куорат” хаһыат уонна “Ийэ тыл кэскилэ” түмсүү ЭССЕ КҮРЭҔИН биллэрэллэр.  Концепция аҕалбыт туһатын,...
Оҕону сахалыы иитэр ньыма — алтыһыы уонна эйгэтин тэрийии
Дьон | 10.05.2021 | 20:34
Оҕону сахалыы иитэр ньыма — алтыһыы уонна эйгэтин тэрийии
Виталий Архипович Слепцов “Ийэ тыл кэскилэ” түмсүү быйыл Төрөөбүт тыл күнүгэр ыыппыт сэргэх тэрээһинигэр дьиэ кэргэниниин кэлэн кыттыбыттарын олус хайгыы көрбүтүм. Онно Виталий “Аҕа биһигэ” диэн бэйэтин ийэтэ айбыт олус истиҥ ырыатын киһини уйадытардыы толорбутун көрөөччү бары сэҥээрбитэ. Түмүгэр өссө “Аҕалар оҕо иитиититтэн туора турумуоҕуҥ!” диэн ис хоһоонноох ыҥырыытын, оруннаах...
Уус идэтэ киһини тардар ураты күүстээх
Дьон | 10.05.2021 | 09:26
Уус идэтэ киһини тардар ураты күүстээх
Ютубка кэргэннии Сыромятниковтар “Сардаана: сахалыы канал” диэн дьоҥҥо-сэргэҕэ олус туһалаах биэриилэрин көрбүт буолуохтааххыт. Бүгүн “Эр бэрдэ”  балаһабытыгар, сайдам санаалаах сайаҕас ыал аҕа баһылыга Иван Сыромятников ыалдьыттыыр. Сытыы харахтаах, сымса туттуулаах Кини Анаабыр улууһуттан төрүттээх, хоту дойду хоһуун уолана. Омугунан эбэҥки. – Иван Алексеевич, үтүө күнүнэн! Кэпсэтиибитин төрүттэргиттэн саҕалыах. – Аҕам...
Ырыа күнэ киэҥ далааһыннаахтык бэлиэтэниэҕэ
Сонуннар | 12.05.2021 | 21:55
Ырыа күнэ киэҥ далааһыннаахтык бэлиэтэниэҕэ
Бүгүн, ыам ыйын 12 күнүгэр, СӨ Мелодистарын ассоциацията тэриллибитэ 30 сылынан Ырыа күнүн ыытыы туһунан СӨ култуураҕа уонна духуобунай сайдыыга миниистирэ Ю.С. Куприянов 229-ОД №-дээх бирикээһэ таҕыста.  Онно олоҕуран, 2021 сыл ыам ыйын 21 күнүгэр СӨ Мелодистарын ассоциацията тэриллибитэ 30 сылынан Ырыа күнэ онлайн көрүҥүнэн ыытыллыаҕа. Бу күнү үрдүк таһымҥа...