“Кыайыы диктана” аахсыйа ыытыллыаҕа

Балаҕан ыйын 3 күнүгэр Арассыыйа 85 регионугар уонна 75 дойдуга норуоттар икки ардыларынааҕы «Кыайыы диктана» историческай аахсыйа ыытыллыаҕа.

Диктант ыытыллар балаһааккалара биэс тыһыынчаттан тахса киһи олорор нэһилиэнньэлээх пууннарыгар тэриллиэхтэрэ.

Баҕалаахтар Аҕа дойду Улуу сэриитин туһунан 25 ыйытыыга хоруйдаан, бэйэлэрин билиилэрин тургутуохтарын сөп. Сорудахтары толорорго 45 мүнүүтэ бэриллэр.

Кыттыыны ыларга диктантпобеды.рф сайтка регистрацияланар булгуччулаах. Ону таһынан «Диктант Победы» анал сыһыарыыны хачайдаан, тургутугу онлайн көрүҥүнэн ааһыахха сөп.