“Кыайыы 75” быыстапка үлэтин саҕалыыр

Алтынньы 1 күнүттэн “Арассыыйа – Мин историям” история пааркатыгар Улуу Кыайыы үбүлүөйдээх сылыгар аналлаах “Кыайыы 75” быыстапка аһыллыыта буолуоҕа.

Манна саха бэргэн ытааччыта Иван Кульбертинов тус маллара, фронтан кэлбит суруктар уонна телеграммалар, ону таһынан Улуу Кыайыыны кэрэһилиир предметтэр дьон-сэргэ сэҥээриитин ылыаҕа.

Паарка ыалдьыттарыгар быыстапка мультимедийнай чааһыгар сэрии кэмин хаартыскалара “тиллэн” көстүөхтэрэ, маны сэргэ, аныгы технологиялар көмөлөрүнэн Саха сирэ дойдуну фашистартан босхолооһуҥҥа кылаатын билиэхтэрэ.

“Быыстапкаҕа Арассыыйа Сэбилэниилээх күүстэрин музейын уонна бииргэ үлэлиир музейдарбыт матырыйаалларын туһанныбыт”, – диэн паарка пресс-сулууспата иһитиннэрэр.