26.11.2021 | 11:00

«Кыһын Саха сириттэн саҕаланар» бэстибээл саҕаланна

«Кыһын Саха сириттэн саҕаланар» бэстибээл саҕаланна
Ааптар: Айыына ДОНСКАЯ
Бөлөххө киир

«Кыһын Саха сириттэн саҕаланар» куорат таһымнаах бырааһынньыктан саҕалаан киэҥ далааһыннаах тэрээһиҥҥэ кубулуйбут бэстибээл быйыл онус төгүлүн ыытыллар үбүлүөйдээх сыла. Сарсыҥҥыттан, сэтинньи 26 күнүттэн, киин куорат олохтоохторун уонна ыалдьыттарын кыһыны көрсүү бырааһынньыгар ыҥырабыт. Быйылгы тэрээһиннэр, биллэн турар, онлайн уонна оффлайн ыытыллаллар.

«Бэстибээл аан бастаан 2011 сыллаахха Айсен Николаев көҕүлээһининэн, кини Дьокуускай куорат баһылыгынан үлэлиир кэмигэр ыытыллыбыта. 10 сыл иһигэр тэрээһин аан дойдуга Сахабыт сирин туризмын, култууратын, спордун уонна бизнеһин билиһиннэрэр бэстибээл буола үүннэ. Тымныы кыһыммытыттан чаҕыйбакка, Саха сирин норуоттарын үгэстэрин кытта билсиһэ, Арассыыйа регионнарыттан уонна тас дойдулартан дьиэ кэргэнинэн уонна улахан иллээх хампаанньанан кэлбит ыалдьыттарга, туристарга өрөспүүбүлүкэ визитнай карточкатынан буолар», — диэтэ Саха сирин предпринимательствоҕа, атыыга уонна туризмҥа миниистирэ Ирина Высоких.

Бэстибээл регион иһинээҕи туризм кыаҕын, көхтөөх сынньалаҥы, ыалдьытымсах буолууну сайыннарыыга туһуламмыт. 

Быйыл өрөспүүбүлүкэ олохтоохторун уонна ыалдьыттарын элбэх тэрээһин күүтэр. Ол курдук, аан бастаан «The Snow Queen in Yakutia» арт-шоу, «Охота на северное сияние» хаартыска уонна видео күрэхтэрэ, «Саха Моржи» диэн чөл олох кулуубун, саха норуотун остуоруйаларынан «Кыһыҥҥы остуоруйа» бырайыактара («Арассыыйа – мин историям»), маастар-кылаастар, виртуальнай уонна хаартыска быыстапкалара уо.д.а. ыытыллыахтара. Элбэх тэрээһин онлайн-форматынан ыытыллыаҕа, оччотугар аан дойду хайа баҕарар муннугар олорон, ким баҕалаах Саха сирин кытта билсиһэр кыахтанар. 

Бэстибээл киэргэтиитинэн «Arctic fashion show» муода көрдөрүүтэ буолар. Быйыл үһүс төгүлүн ыытыллар тэрээһин өрөспүүбүлүкэ муодаҕа индустриятын драйвера буола үүннэ. «Сыл ахсын бырайыак киэҥник биллэр буолан иһэр, саха дизайнердарыгар интэриэһи үөскэтэр, саҥа ааттары арыйар уонна анал бырайыактар чэрчилэринэн суолталаах тиэмэлэри көтөҕөр курдук тэрийээччилэр улахан үлэни оҥороллор. Ити ордук саҥа саҕалыыр дизайнердарга туһалаах, кинилэр муода эйгэтигэр бэйэлэрин билиһиннэрэллэр, коллекцияларын киэҥ дьүүлгэ таһаараллар. Быйыл муода көрдөрүүтэ ахсынньы 2 күнүгэр «Триумф» спортивнай бэлэмнэнии Киинигэр буолуоҕа. Уустук эпидемиологическай быһыынан-майгынан сибээстээн муода көрдөрүүтэ аһаҕас буолар кыаҕа суох, онон «Саха» НКИХ ханаалыгар быһа эфиргэ көстүөҕэ, итини сэргэ  Instagram социальнай ситим официальнай сирэйигэр», — диэн бэлиэтээтэ Ирина Высоких.

«Вкус Якутии» гастрономическай бэстибээл чэрчитинэн киин куорат бастыҥ рестораннара саха национальнай астарын аныгылыы көрдөрүөхтэрэ. Туспа былаанынан шеф-повардар маастар-кылаастара ыытыллыаҕа, национальнай бүлүүдэлэри амсатыы буолуоҕа.

Тэрээһин чэрчитинэн киин куоракка үс сиринэн «муус куораттар» оҥоһуллуохтара: Атласовтар уһаайбаларыгар, «Үрдэл» көхтөөх сынньалаҥ пааркатыгар уонна үгэс буолбут сиригэр — 202-с дьоҕус оройуоҥҥа. 

Саамай чаҕылхай түгэнинэн, үгэс быһыытынан, Дьокуускай сүрүн болуоссаттарыгар саҥа дьыллааҕы харыйалар уоттарын уматыы буолуоҕа. Өр сыллааҕы үгэһинэн, Арассыыйа бастакы харыйата Саха сиригэр «уматыллар». Ити ахсынньы 1 күнүгэр буолар.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...