09.04.2021 | 19:40

«Кыһын дьоллоох дьоҥҥо ичигэс» хаартысканан күрэх түмүктэннэ

«Кыһын дьоллоох дьоҥҥо ичигэс» хаартысканан күрэх түмүктэннэ
Ааптар: Киин Куорат

Күндү ааҕааччыларбыт!

«Киин куорат» хаһыат пандемияны сэргэхситэр аналлаах «Кыһын дьоллоох дьоҥҥо ичигэс” диэн хаартысканан күрэҕэр элбэх киһи кытынна. Бу ааҕааччыларбыт, Сахабыт сирин дьоно кыһыҥҥы спорт көрүҥнэринэн дьарыктаналларын, доруобуйаларын чэбдигирдэллэрин кэрэһилиир.

Күрэхпит түмүктэнэрин үгүс ааҕааччы долгуйа күүттэ. Кыайыылаахтарбытын үөрэ-көтө билиһиннэрэбит. Өссө биирдэ кинилэр хаартыскаларын, тиэкистэрин таһаарабыт.

I бочуоттаах миэстэ - Аграфена Яковлева, Майа олохтооҕо, олохтоох дьаһалтаҕа ыччат салаатыгар исписэлииһинэн үлэлиир. «Зожтандем” спорду, хаалыктаах хаамыыны көҕүлүүр кулууп салайааччыта:

Биһиги эти-хааны эрчийэн хаамыынан дьарыктанабыт. Сатыы  дэриэбинэлэри кэрийэбит. Хас өрөбүл ахсын нэдиэлэҕэ биирдэ 10-лыы килэмиэтири хаамабыт. Манчаары Баһылай сиэннэрэ буоламмыт кини  сылдьыбыт сирдэригэр, алаастарыгар тиийэбит.

Кулуупка эдэр да, аҕам саастаах да дьон бааллар. Саамай кырдьаҕаспыт 72 саастаах. Пандемия кэмигэр элбэх буолан хаамарбытын тохтотон турабыт, түөлбэлэринэн арахсан, 10-лыы киһи хаамар.

Биһиги өссө биир үтүө үгэспитинэн харыйа туруорааһынын бэлиэтиэхпин баҕарабын.  Саҥа дьыл быдан инниттэн ыраах тиийэн харыйаны симиибит, хоробуоттуубут, ыллыыбыт-туойабыт, сибиэһэй салгыҥҥа дьаарбайан, сүргэбит өрө көтөҕүллэн кэлэбит.

Киһи хаамар буоллаҕына, куруук эрчимнээхтик сылдьар эбит диэн түмүккэ кэллим.

II миэстэ - Августина уонна Гаврил Дягилевтар, Дьокуускай куорат олохтоохторо, үлэ бэтэрээннэрэ:

— Турабыт чуумпуга уоскуйан,

Үрүн күн утары манньыйан,

Тулалыыр бу хаарга уйдаран,

Тумуулуур олохтон санньыйан.

Биһиги ыал чөл олоҕу тутуһабыт. Хас сарсыарда ахсын эти-сиини эрчийэр сэрээккэ оҥоробут, хаалыктаах хаамабыт. Сайын кучу оту хомуйабыт, кыһыны этэҥҥэ туоруубут.

III миэстэ - Милана Стручкова, Дьааҥы улууһа:

 

— Хоту дойду оҕолоро

Чаҕыйбаттар тымныыттан,

Халыҥ хаары хардыылаан

Ойуоккалыы сырсаллар.

 

Көхтөөх кыттааччыларбытыгар махтанабыт! Сандал саас кэлбитинэн эҕэрдэлиибит. Бары үтүөнү, кэрэни, ситиһиини баҕарабыт.

Сонуннар

Ордук ааҕаллар

Эссетэ суруй – смартфонна сүүй!
Сонуннар | 13.05.2021 | 10:59
Эссетэ суруй – смартфонна сүүй!
1991-1992 сылларга бүттүүн норуот өйө-санаата уһуктуутунан кынаттанан тахсыбыт национальнай оскуолалары саҥардыы Концепцията бигэргэтиллэн олоххо киирэн барбыта. Оччотооҕу Национальнай Концепция быйыл 30 сылын туолла. Концепцияттан үгүс чаҕылхай ыччат, сайдам санаалаах дьон үүннүлэр. Национальнай Концепция үбүлүөйдээх сылын көрсө, “Киин куорат” хаһыат уонна “Ийэ тыл кэскилэ” түмсүү ЭССЕ КҮРЭҔИН биллэрэллэр.  Концепция аҕалбыт туһатын,...
Оҕону сахалыы иитэр ньыма — алтыһыы уонна эйгэтин тэрийии
Дьон | 10.05.2021 | 20:34
Оҕону сахалыы иитэр ньыма — алтыһыы уонна эйгэтин тэрийии
Виталий Архипович Слепцов “Ийэ тыл кэскилэ” түмсүү быйыл Төрөөбүт тыл күнүгэр ыыппыт сэргэх тэрээһинигэр дьиэ кэргэниниин кэлэн кыттыбыттарын олус хайгыы көрбүтүм. Онно Виталий “Аҕа биһигэ” диэн бэйэтин ийэтэ айбыт олус истиҥ ырыатын киһини уйадытардыы толорбутун көрөөччү бары сэҥээрбитэ. Түмүгэр өссө “Аҕалар оҕо иитиититтэн туора турумуоҕуҥ!” диэн ис хоһоонноох ыҥырыытын, оруннаах...
Уус идэтэ киһини тардар ураты күүстээх
Дьон | 10.05.2021 | 09:26
Уус идэтэ киһини тардар ураты күүстээх
Ютубка кэргэннии Сыромятниковтар “Сардаана: сахалыы канал” диэн дьоҥҥо-сэргэҕэ олус туһалаах биэриилэрин көрбүт буолуохтааххыт. Бүгүн “Эр бэрдэ”  балаһабытыгар, сайдам санаалаах сайаҕас ыал аҕа баһылыга Иван Сыромятников ыалдьыттыыр. Сытыы харахтаах, сымса туттуулаах Кини Анаабыр улууһуттан төрүттээх, хоту дойду хоһуун уолана. Омугунан эбэҥки. – Иван Алексеевич, үтүө күнүнэн! Кэпсэтиибитин төрүттэргиттэн саҕалыах. – Аҕам...
Ырыа күнэ киэҥ далааһыннаахтык бэлиэтэниэҕэ
Сонуннар | 12.05.2021 | 21:55
Ырыа күнэ киэҥ далааһыннаахтык бэлиэтэниэҕэ
Бүгүн, ыам ыйын 12 күнүгэр, СӨ Мелодистарын ассоциацията тэриллибитэ 30 сылынан Ырыа күнүн ыытыы туһунан СӨ култуураҕа уонна духуобунай сайдыыга миниистирэ Ю.С. Куприянов 229-ОД №-дээх бирикээһэ таҕыста.  Онно олоҕуран, 2021 сыл ыам ыйын 21 күнүгэр СӨ Мелодистарын ассоциацията тэриллибитэ 30 сылынан Ырыа күнэ онлайн көрүҥүнэн ыытыллыаҕа. Бу күнү үрдүк таһымҥа...