«КЫҺЫН ДЬОЛЛООХ ДЬОҤҤО ИЧИГЭС” ХААРТЫСКАНАН КҮРЭХ

Тымныы кэмҥэ таһырдьа хаамыы биһиги доруобуйабытыгар олус туһалааҕынан биллэр. Саха дьоно таптаан ааҕар «Киин куорат» хаһыатын редакцията пандемия, хааччахтааһын кэмин сэргэхситэр аналлаах «Кыһын дьоллоох дьоҥҥо ичигэс” диэн хаартысканан күрэҕин салгыы ыытар. Күрэххэ ким баҕалаах, сааһынан хааччаҕа суох кыттар.

Сүрүн ирдэбил – эһиги тымныы кыһыҥҥа доруобуйаҕытын эрчийэн сүүрэ, хаалыктаах хаама, сөтүөлүү, балыктыы, хайыһардыы, дрифтии сылдьаргытын, о.д.а. дьарыккытын көрдөрөҕүт.

Күрэх сүнньүнэн инстаграм социальнай ситимҥэ ааһыаҕа. Онно хаартыскаларгытын #КЫҺЫНДЬОЛЛООХДЬОҤҤО диэн хэштегинэн бэлиэтиигит эбэтэр  8-967-624-61-68 бассаап нүөмэргэ ыытаҕыт. Биһирээбит хаартыскаларбытын хаһыакка таһаарыахпыт.

Бүгүҥҥү кыттааччыларбытын үөрэ-көтө билиһиннэрэбит.

Екатерина Мекюрдянова, Дьокуускай куорат:

• Сарсыарда аайы сибиэһэй салгыҥҥа хаамыҥ диэн киин куорат олохтоохторун ыҥырабын.

Александра Чемпосова, Хаҥалас улууһа:

- Сахам сирэ тымныынан аатырар.

Александра Константинова уонна Матрена Петрова, Амма улууһун Өнньүөс нэһилиэгин “Дуораанчык” уһуйаан бэтэрээн үлэһиттэрэ:

- Тымныыны аахсыбакка, туманнаах диэн толлубакка, күн аайы  4 км хаалыктаах хаамабыт, доруобуйабытын тупсарабыт.

Кристина Неустроева, Өймөкөөн улууһа, Томтор нэһилиэгэ:

- -51°С тымныыттан саха оҕото чаҕыйбат. Хата, ол оннугар: “Һуу, бүгүн туох ааттаах сылыйбытый!” – диэн саҥа аллайыаҕа.

Аля Егорова, Дьокуускай куорат:

“Киин куорат” хаһыакка сөбүлүүр хаартыскаларбын ыытабын.