10.03.2021 | 13:18

Кыһыҥҥы спартакиада сөргүтүллэр

Кыһыҥҥы спартакиада сөргүтүллэр
Ааптар: Киин Куорат
Бөлөххө киир

Маассабай спорт уонна физическэй култуура управлениетын пресс-сулууспата иһитиннэрбитинэн, кулун тутар 25-тэн муус устар 11 күнүгэр диэри спорт кыһыҥҥы көрүҥнэрин спартакиадатын өрөспүүбүлүкэ үс куоратыгар сөргүтүөхтэрэ.

Күрэхтэһии 2020 сылга түмүктэниэхтээҕэ, эпидемиологическай балаһыанньанан 2021 сылга көһөрбүттэрэ.

Былырыын икки спорт көрүҥнэрэ — хотугу многоборье уонна шорт-трек күрэхтэһиилэрэ ыытыллыбыттара. Ол түмүктэрэ быйылгы  спартакиада зачетугар барыахтара. Ол курдук, хотугу многоборьеҕа Чурапчы улууһун хамаандата чемпион буолбута, иккис миэстэҕэ Үөһээ Бүлүү тиксибитэ, оттон боруонса мэтээли Нерюнгри оройуонун хамаандата ылбыта.

Шорт-трек көрүҥҥэ Дьокуускай сүүмэрдэммит хамаандата кыайбыта, кини кэнниттэн Амма уонна Мииринэй хамаандалара иһэллэр. Спартакиада кыһыҥҥы чемпионатын сноубордистар уонна хайа хайыһардьыттара арыйыахтара. Күрэхтэһии Нерюнгрига «Горизонт» хайа-хайыһарын баазатыгар кулун тутар 25-28 күннэригэр ыытыллыаҕа.

Муус устар 1-4 күннэригэр Дьокуускайга «Эллэй Боотур» спортивнай комплексыгар хоккей күрэхтэһиитэ уонна куорат тулатыгар хайыһарынан спортивнай ориентирование ыытыллара былааннанар.

Чемпионат түмүктүүр түһүмэҕэ Алдаҥҥа буолуоҕа, муус устар 7-11 күннэригэр спорт кыһыннары бэлэмниир киинигэр хайыһарга күрэхтэһии, оттон муус устар 10 күнүгэр биатлоҥҥа чемпионат тэриллиэҕэ.

Тэрээһин үөрүүлээх сабыллыыта муус устар 11 күнүгэр Алдаҥҥа ыытыллар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.