08.07.2021 | 09:30

Куйааска үлэ чааһа кылгыахтаах

Куйааска үлэ чааһа кылгыахтаах
Ааптар: Розалия Томская
Бөлөххө киир

Билигин өҥүрүк куйаас сатыылаан турар кэмигэр үлэһиттэр үлэлиир усулуобуйаларын тэрийиигэ ураты бэрээдэк олохтонуон сөп диэн Роспотребнадзор Саха сиринээҕи салаата иһитиннэрэр.

Ол курдук, тэрилтэ дьиэтигэр 28,5 кыраадыс сылаас турар эбит буоллаҕына, үлэ күнэ 1 чаас кылгаан биэриэхтээх. 29 кыраадыска – үлэ күнэ икки чаас кылгыыр, 30,5 кыраадыс итиигэ – 3 чаас.

Таһырдьа үлэлээччилэргэ, 32,5 кыраадыстан үөһээ куйаас буоллаҕына, үлэ 15-20-лии эрэ мүнүүтэ барыахтаах, 10-12 мүнүүтэ сөрүүн дьиэҕэ киирэн сөрүүкүөхтээхпит. Таһырдьа үлэлиир дьон маннык куйаас күннэргэ, анал таҥастаах-саптаах буоллахтарына, күҥҥэ 4-5 чаастан уһуннук үлэлиэ суохтаахтар. Күнтэн харыстыыр анал таҥаһа суох дьон 1,5-2 чаас үлэлииллэр.

Кондиционер үлэлиир тэрилтэ дьиэтигэр 24-25 кыраадыс сылаас туруохтаах, оччоҕуна организм сыыстарбат, тымныйбат.

Роспотребназор сүбэтигэр этиллэринэн, 32,5 үөһээ кыраадыска таһырдьа үлэлиир табыгаһа суох, 35-40 кыраадыс сылаас киһи доруобуйатыгар сэрэхтээҕинэн, кутталлааҕынан ааҕыллар.

Онон тэрилтэ салайааччылара үлэлиир усулуобуйаны халлаан туругуттан көрөн сааһылыыллара ирдэнэр. Маныаха таһырдьа үлэлээччилэр эбээһинэстэрин халлаан сөрүүдүйбүт кэмигэр көһөрөн биэриэхтэрин сөп. Маны таһынан өҥүрүк куйааска таһырдьааҥы үлэлэргэ 25-40 эрэ саастаахтары таһаарар ордук.

Маны тэҥэ, куйаас күҥҥэ ууну сөпкө иһии, үлэһиттэри иһэр уунан хааччыйыы тэриллиэхтээх.

Үлэ чааһын кыччаппатах тэрилтэлэр административнай ыстараапка тардыллыахтарын сөп. Манна икки буруйу оҥоруу бэлиэтэнэр:

Санитарнай быраабылалары кэһии, салгын температурата ирдэбиллэргэ эппиэттээбэт буоллаҕына:

Ыстараап 500-1000 солк. – дуоһунастаах сирэйдэртэн;

500-1000 солк. ыстараап эбэтэр 90 сууккаҕа үлэлэрин тохтоторго модьуйуу – предпринимателлэргэ;

10000-20000 солк. эбэтэр 90 сууккаҕа үлэлэрин тохтоторго модьуйуу – тэрилтэлэргэ.

Үлэ харыстабылын сокуонун кэһии (КоАП РФ  1 ч. 5.27.1 ыст.):

2000-5000 солк. – дуоһунастаах сирэйдэртэн;

2000-5000 – предпринимателлэргэ;

50000-80000 солк. – тэрилтэлэртэн.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...