29.09.2021 | 12:00

«Куттала суох уонна хаачыстыбалаах суоллар» национальнай бырайыак эбийиэктэригэр аспааллааһын түмүктэннэ

«Куттала суох уонна хаачыстыбалаах суоллар» национальнай бырайыак эбийиэктэригэр аспааллааһын түмүктэннэ
Ааптар: Киин Куорат

Дьокуускай куоракка «Куттала суох уонна хаачыстыбалаах суоллар» национальнай бырайыак эбийиэктэригэр 2021 сылга былааннаммыт аспааллааһын түмүктэннэ. 
 «Главстрой» МХТ дириэктэрэ Алексей Варламов иһитиннэрбитинэн, киин куоракка «Куттала суох уонна хаачыстыбалаах суоллар» национальнай бырайыак эбийиэктэригэр аспааллааһын түмүктэммит. Өрөбүл күннэргэ Иван Кульбертинов уулуссатыгар  иккис хос аспаал ууруллубут (бэдэрээччик «РИК Автодор» АУо).
«Куттала суох уонна хаачыстыбалаах суоллар» национальнай бырайыак 36 эбийиэгиттэн буор оҥоһуулаах суола 6 эбийиэккэ 10,6 км кэриҥэ уһуннаах. Ити суолларга үлэ толору ситэриллибит. Аспаал бүрүөһүннээх суол 30 эбийиэккэ 37,5 км уһуннаах, онтон 21-гэр суол бэлиэлэрин туруоруу, суолга бэлиэлэри оҥоруу ыытыллар. 
Бүгүҥҥү күҥҥэ суолга хааччахтары туруоруу, тротуардары оҥоруу, суол бэлиэлэрин, светофордарын, архтитектура дьоҕус пуормаларын туруоруу, көҕөрдүү, сырдатыы уо.д.а. үлэлэр Окружной шоссеҕа, Тулагы сэлиэнньэтигэр Николаев уул., Марха дьоҕус оройуонугар Советскай, Олег Кошевой, Заводской, Интернациональнай уул., Халтурин, Иван Кульбертинов, Жуковскай, Авиатордар, Пилоттар, Покрышкин, Тэкки Одулок, Студенческай, Птицефабрика дьоҕус оройуонугар Нагорнай уул., Клара Цеткин, Христофор Максимов, Кутузов, Рыдзинскай, Широких-Полянскай, Шевченко, ону сэргэ Хатас сэлиэнньэтигэр Сидор Алексеев уул., ыытыллар.
Куорат баһылыга Евгений Григорьев уочараттаах планеркаҕа «Главстрой» МХТ кэлэктиибигэр махталын биллэрбит. «Былааннаммытын курдук, эбийиэктэргэ аспааллааһын балаҕан ыйа бүтүөр диэри түмүктэннэ», – диэн бэлиэтээтэ баһылык.
«РИК Автодор» Пилоттар, Покрышкин, Тэкки Одулок, Эргэ Покровскайдыыр тракт, Луговой, Клара Цеткин, Кутузов, Рыдзинскай, Христофор Максимов, Широких-Полянскай, Шевченко, Нагорнай, Студенческай, Мархаҕа Заводской уонна Интернациональнай, Хатаска Каландаришвили, Пригороднай сэлиэнньэтигэр Совхознай, Пляжнай уонна Набережнай, Маҥан сэлиэнньэтигэр Кыайыы 40  сыла, Кангалаас сэлиэнньэтигэр Молодежнай уонна 26-с партсъезд, Авиатордар, Жуковскай, Иван Кульбертинов уулуссаларыгар суол үлэлэрин бэдэрээччигэ.
«Дорстрой» ХЭТ Окружной суолга Жорницкай уул., Бүлүүлүүр тракка диэри учаастакка үлэлиир.
Халтурин уонна Марха дьоҕус оройуонугар Советскай уул., өрөмүөннэрин бэдэрээччигэ «Инвестдорстрой» ХЭТ. 
 «Туймаада» ХЭТ Объездной уул. уонна Тускул дьоҕус оройуоҥҥа Иосиф Николаев уул., үлэлэри оҥорор.  
«Сельдорстрой» ХЭТ Хатас сэлиэнньэтигэр Ойуунускай уонна С. Алексеев уул. буор оҥоһуулаах суоллары өрөмүөннээбит. 
«Альянс 2005» ХЭТ Табаҕа уонна Тулагы сэлиэнньэлэригэр элбэх оҕолоох ыаллар кыбартаалларыгар суоллары туппут. 
ДРСУ «Сэттэ» ХЭТ Марха дьоҕус оройуонугар Олег Кошевой уул. үлэлэрин бэдэрээччигэ.  
«Дорисс» ПАУо Тулагы сэлиэнньэтигэр Николаев уул. үлэлэри оҥорбут. 
Бырайыак чэрчитинэн 2019-2024 сылларга, биэс сыл иһигэр, барыта суол 85 %-на тутуллан нуормаҕа эппиэттиир турукка киириэхтээх.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...