12.11.2021 | 18:04

«Куттала суох уонна хаачыстыбалаах суоллар» национальнай бырайыак чэрчитинэн быйылгы үлэ түмүктэнэн эрэр

«Куттала суох уонна хаачыстыбалаах суоллар» национальнай бырайыак чэрчитинэн быйылгы үлэ түмүктэнэн эрэр
Ааптар: Киин Куорат

Киин куорат уокуругар «Куттала суох уонна хаачыстыбалаах суоллар» национальнай бырайыак чэрчитинэн 2021 сылга былааннаммыт үлэлэр – өрөмүөн, саҥардан оҥоруу, хапытаалынай өрөмүөн уонна 48,2 км уһуннаах суолу тутуу түмүктэнэн эрэллэр. Бу туһунан Уокуруктааҕы дьаһалта пресс-сулууспата иһитиннэрдэ. 
Бары 36 эбийиэккэ аспааллааһын сүрүн үлэтэ түмүктэммит. Билиҥҥи туругунан Окружной шоссеҕа сырдатыы ситимин таҥаллар. Ити эбийиэги хамыыһыйа сэтинньи 15 күнүгэр тутара былааннанар, атын 35 эбийиэктэр түмүк аакталара оҥоһуллар. 
«Главстрой» МХТ иһитиннэрбитинэн, сэтинньи 12 күнүнээҕи туругунан 44 км. тахса уһуннаах 35 эбийиэк үлэҕэ киирбит, олортон 29-һа 33,5 км. уһуннаах аспаал-бетон бүрүөһүннээх. Булкаас типтээх 10,6 км. уһуннаах 6 эбийиэккэ (буор суоллар) үлэ 100% түмүктэммит. 
Муниципальнай хантыраакка олоҕуран, бары эбийиэктэргэ суол үлэтин түмүктэнэр болдьоҕо – сэтинньи 30 күнүгэр диэри.  
Дьокуускай куорат «Куттала суох уонна хаачыстыбалаах суоллар» национальнай бырайыакка 2019 сылтан кыттар. Үс сыл тухары куорат суолун 100 км. нуормаҕа эппиэттиир турукка тиийбит. Биэс сыл иһигэр (2024 сылга диэри) суол 85 %-на нуормаҕа эппиэттиир гына оҥоһуллуохтаах.

Сонуннар

28.05.2022 | 11:57
Клещ кэллэ!

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...
Бүтүн агробөһүөлэги туттарбыт салайааччы
Дьон | 22.05.2022 | 12:00
Бүтүн агробөһүөлэги туттарбыт салайааччы
Үлэ ситиһиилээх буолуутун төрдө – сатабыллаах, далааһыннаах быһаарыныылары ылынар салайааччы. Өссө ааспыт үйэ 60-с сылларыгар, этэргэ дылы, үрэх баһа дойдуга бүтүн агробөһүөлэги туттаран бүгүн даҕаны уос номоҕор сылдьар бөдөҥ салайааччы Иван Васильевич Николаев туһунан “Бырааттыы Мординовтар” музейы салайар Сардана Александровна Васильевалыын кэпсэттибит.   – Сардана Александровна,  Саха АССР төрүттэммитэ 100 сылынан...