25.02.2022 | 18:16

«Куттала суох муус» аахсыйа төрдүс түһүмэҕэ саҕаланна

«Куттала суох муус» аахсыйа төрдүс түһүмэҕэ саҕаланна
Ааптар: Киин Куорат
Бөлөххө киир

СӨ ЫБММ Кылаабынай Управлениетын информациятынан, олунньу 24 күнүттэн Саха сирин территориятыгар «Куттала суох муус» биэдэмистибэлэр икки ардыларынааҕы аахсыйа төрдүс түһүмэҕэ саҕаланна. Аахсыйа уу эбийиэктэригэр ураты хонтуруолу олохтуурга туһуланар. 
Ол курдук, Томмот уонна Покровскай Дьоҕус суудуналар судаарыстыбаннай инспекцияларын Киинин патруллуур сулууспалара оҕолорго куттал суоһуурун сэрэтэр тэрээһиннэри ыыттылар. Сотрудниктар оҕолорго мууска куттала суох сылдьыы быраабылаларын, уу эбийиэктэригэр быһылаан тахсар төрүөттэрин туһунан кэпсээтилэр, ууга улахан дьоно суох киириллибэтин санаттылар. Аахсыйа кулун тутар 1 күнүгэр диэри ыытыллар.
«Аахсыйа сүрүн сыала – уу эбийиэктэригэр быһылааны таһаарбат буолуу, быраабылалары кэһиини булуу уонна ити хайысханан сэрэтэр үлэни ыытыы. Итинник тэрээһиннэр өрөспүүбүлүкэ үрдүнэн тиһиктээхтик ыытыллаллар», – диэтэ  СӨ ЫБММ Кылаабынай Управлениетын уу эбийиэктэригэр дьоҥҥо куттал суоһаабатын хааччыйар салаатын начаалынньыгын солбуйааччы Майя Жиркова.
Биэдэмистибэлэр икки ардыларынааҕы патруллуур уонна сэрэтэр бөлөхтөр күн ахсын уу эбийиэктэрин патруллууллар уонна кэтииллэр, нэһилиэнньэни кытта өйдөтөр үлэни ыыталлар, мууһунан туоруур сирдэргэ хонтуруолу күүһүрдэллэр, көҥүлэ суох мууска киирбэттэрин курдук эриэйдэлииллэр. Оҕолорго улахан болҕомто ууруллар, «Мууска куттала суох быһыы» тиэмэнэн биирдиилээн бэсиэдэлэри, аһаҕас уруоктары, викториналары ыыталлар. 
Аахсыйаҕа Арассыыйа ЫБММ исписэлиистэрин сэргэ былаас уорганнарын бэрэстэбиитэллэрэ, нэһилиэнньэлээх пууннар старосталара, волонтердар, уопсастыбаннас кытталлар.
СӨ ЫБММ Кылаабынай Управлениета санатар: убаастабыллаах төрөппүттэр, оҕолоргутун көрүүтэ-истиитэ суох хаалларымаҥ, уу эбийиэктэригэр бэйэлэрин эрэ ыытымаҥ, мууска сылдьар сэрэхтээҕин туһунан өйдөтүҥ. Ууга сэрэхтээх буолуу быраабылатын тутуспатахха иэдээн тахсыан сөбүн өйдөөҥ!

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.