Кураанынан сибээстээн от былаанын 80% оттонор буолла

СӨ тыа хаһаайыстыбатыгар Министиэристибэтин үүнээйигэ, сири нүөлсүтүүгэ, материальнай-техническэй хааччыйыыга уонна информатизацияҕа Департаменын салайааччыта Вячеслав Гаврильев оттооһун хаамыытын кытта билиһиннэрдэ. 
2021 сылга былаан – 457 тыһ. туонна, ол эрэн кураан сайынынан сибээстээн, муниципальнай тэриллиилэр ылыллыбыт былаантан 80% – 366  тыһ. туоннаны миэстэтигэр бэлэмниир соругу туруорбуттар. 
Эбии 38 тыһ. туоннаны толорорго дьоҕус сыыдам бөлөхтөр тэриллибиттэр. 
Билиҥҥи туругунан 147 биригээдэ 6 тыһ. туонна от Амма, Хаҥалас, Мэҥэ-Хаҥалас, Бүлүү, Сунтаар, Ньурба оройуоннарыгар уонна Дьокуускай куоракка бэлэмнэммит.
Итини таһынан, 16 тыһ. туонна от Амур уобалаһыттан, 10 тыһ. туонна Забайкальеттан, 5 тыһ. туонна Хабаровскайтан кэлиэхтээх.
Регион тас өттүгэр оттуур биригээдэлэр ороскуоттарыгар уонна оту тиэйэн аҕаларга судаарыстыбаннай өйөбүл көрүллүбүт.