Куораты дезинфекциялааһын саҕаланна
![Куораты дезинфекциялааһын саҕаланна](https://kiinkuorat.ru/wp-content/uploads/2020/05/4036d23e_478c_4700_b922_144b23f9bff0.jpg)
Бүгүн, ыам ыйын 16 күнүгэр, Дьокуускайга уулуссалары, болуоссаттары уонна да атын уопсастыбаннай сирдэри дезинфекциялааһын саҕаланна.
Тротуардары, оҕо балаһааккаларын уонна оптуобус остонуопкаларын дезинфекциялааһын үлэтин “Жилкомсервис” МУТ толорор. Үлэһиттэр сүгэ сылдьар “Посейдон” үрдүк баттааһыннаах аппарааттарынан дезинфекция суурадаһынын ыстараллар. Уопсайа 6 биригээдэ үлэлиир. Үлэ барыта ыам ыйын 24 күнүгэр диэри, графигынан ыытыллыахтаах.
Ыам ыйын 15 күнүттэн “Якутдорстрой” АУо үлэһиттэрэ ДМК-70 ууну ыстарар массыыналарынан Орджоникидзе, Кыайыы, Норуоттар доҕордоһууларын болуоссаттарын, өрүс вокзалын, Гимеин, Ийэ скверин, түүн киин уулуссалары обработкалаатылар.
Уопсастыбаннай сирдэри ыраастааһыҥҥа, Роспотребнадзор сөбүлэҥинэн, кыылга-сүөлгэ уонна дьоҥҥо туох да буортута суох суурадаһын туттуллар.
Инникитин ыам ыйын 19, 22, 26, 29 күннэригэр хаттаан дезинфекциялааһын ыытыллыаҕа. Биллэрин курдук, аһаҕас сирдэри обработкалааһын халлаан температурата +5 кыраадыстан үөһээ буоллаҕына эрэ туһалыыр.
Дезинфекциялааһын барыта муниципальнай бүддьүөттэн үбүлэнэр.
![](http://kiinkuorat.ru/wp-content/uploads/2020/05/whatsapp-image-2020_05_16-at-09.50.55-768x1024.jpeg)
![](http://kiinkuorat.ru/wp-content/uploads/2020/05/whatsapp-image-2020_05_16-at-09.50.55-_1_-1024x768.jpeg)
![](http://kiinkuorat.ru/wp-content/uploads/2020/05/whatsapp-image-2020_05_16-at-09.58.58-576x1024.jpeg)
![](http://kiinkuorat.ru/wp-content/uploads/2020/05/whatsapp-image-2020_05_16-at-09.58.59-1024x576.jpeg)
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)