Куораттааҕы үүт собуота былаанын аһара толорбут

Дьокуускай куораттааҕы үүт собуота быйылгы сыллааҕы үүт соҕотуопкатыгар былаанын 109,2% толорбут. Бу туһунан регионнааҕы тыа хаһаайыстыбатын Министиэристибэтин пресс-сулууспата иһитиннэрдэ.  
«Бүгүҥҥү күҥҥэ Дьокуускай куораттааҕы үүт собуота 1836,5 туонна үүтү соҕотуопкалаан былааны 109,2% толордо», — диэн этиллэр иһитиннэриигэ.
Сиикэй үүтү сүрүн туттарааччылар – «Баҕарах», «Туймаада Экоферма» уонна бааһынай фермерскэй хаһаайыстыбалар.
Дьокуускай куораттааҕы үүт собуота  «Молочный дождик» уонна «Якутянка» мааркалаах үүт уонна сыыр бородууксуйатын 40-тан тахса көрүҥүн таһаарар. 
Собуокка 170 киһи үлэлиир, итинтэн 20-тан тахса үлэһитэ 25 сылтан ордук үлэлээбиттэр.