02.06.2022 | 16:00

Куораттааҕы полигон бэс ыйыттан бөҕү босхо тутар

Куораттааҕы полигон бэс ыйыттан бөҕү босхо тутар
Ааптар: Киин Куорат

Бүлүүлүүр тракка баар куораттааҕы кытаанах хомунаалынай бөх полигона, бэс ыйын 1 күнүттэн атырдьах ыйын 31 күнүгэр диэри, ыйга биирдэ  1,5 кубометрга диэри бөҕү босхо тутар буолла. Бу туһунан Олохтоох дьаһалта пресс-сулууспатыгар  «Жилкомсервис» МУТ иһитиннэрдэ.
Куорат баһылыга Евгений Григорьев бэйэтин телеграм-ханаалыгар информациятынан, куорат олохтоохторо полигоҥҥа кэлэн диспетчергэ биллэрдилэр даҕаны, салгыы полигон үлэһитэ аҕалыллыбыт бөх кээмэйин сыаналыыр, умайар матырыйаал баарын бэрэбиэркэлиир, онтон территорияҕа киллэрэр.  
«Ити миэрэ, бастатан туран, куорат территориятыгар уонна ойуурга көҥүлэ суох сыбаалкалар ахсааннарын аҕыйатыаҕа. Кистэл буолбатах, сорох ардыгар тиэргэннэртэн, даачалартан, эбэтэр кыбартыыра өрөмүөнүн кэнниттэн тиэйиллибит бөх сыбаалкаҕа тиийбэт, бөх контейнердарын таһыгар кыстанан сытар. Ити тупсаран оҥоруу быраабылаларын кэһии буолар, саамай куһаҕана, сорохтор бөхтөрүн быраҕыллыбыт учаастактарга уонна ойуурга тиэйэллэр», - диэн бэлиэтээтэ куорат баһылыга.
Полигоҥҥа туттарыллар бөх испииһэгэр, «бытовойу» сэргэ, тимир, ртутьтаах тэриллэр (лаампа, термометр, реле), хортуон уонна кумааҕы, эрэһиинэ шиналар, өстүөкүлэ, полистирол, полиэтилен, полипропилен бааллар.
Испииһэккэ этиллибит бөх полигоҥҥа РФ Бырабыыталыстыбатын 2017 сыл от ыйын 25 күнүнээҕи 1589-р №-дээх дьаһалынан,  Федеральнай сокуон 1998 сыллааҕы 89-ФЗ №-дээх «Об отходах производства и потребления» 12-с ыстатыйатыгар олоҕуран тутуллар.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...