Куорат уулуссаларыгар массыына сырыытыгар хааччахтааһын киирбит

Дьокуускай куорат уокуруктааҕы дьаһалтата 2021 сыл бэс ыйын 16 күнүттэн 2021 сыл алтынньы 31 күнүгэр диэри куорат Луговой, Широких-Полянских, Студенческай, Шевченко, Ойуунускай уулуссаларыгар массыына сырыытыгар хааччахтааһын киирбитин иһитиннэрэр. 
«Дьокуускай куорат» куораттааҕы уокурук тырааныспарын кэлим сайдыыта» бырагыраама уонна «Куттала суох, хаачыстыбалаах суоллар» национальнай бырайыак чэрчитинэн, тутууга, капитальнай өрөмүөҥҥэ уулусса-суол ситимнэрин өрөмүөнүгэр, уларытан оҥорууга былааннары кытта сөп түбэһиннэрэн, 2021 сыл бэс ыйын 16 күнүттэн 2021 сыл алтынньы 31 күнүгэр диэри, маннык аадырыстарга массыына сырыытыгар хааччахтааһын киирбит:
Хатас сэлиэнньэтин Ойуунускай уулуссатыгар – Каландаришвили уулуссатыттан Николаев уулуссатыгар диэри учаастакка; 
Шевченко уулуссатыгар – Лермонтов уулуссатыттан Яков Потапов уулуссатыгар диэри;
Студенческай уулуссаҕа;
Широких-Полянских уулуссатыгар – Маяковскай уулуссатыттан Чайковскай уулуссатыгар диэри;
Луговой уулуссаҕа – Автодорожнай уулуссаттан Кольцевой уулуссаҕа диэри.
Үлэ бэдэрээччиктэрэ суолга куттал суох буолуутун хааччыйар сэрэтэр бэлиэлэри, хааччахтыыр мэһэйдэри туруораллар уонна хараҥа кэмҥэ эбии сырдатыыны холбоон сатыы дьон сылдьарыгар куттал суох буолуутун хааччыйаллар. 
Өрөмүөннэри бэдэрээччиттэр Ойуунускай уулуссатыгар «Сельдорстрой» ХЭТ,  Луговой, Широких-Полянских, Студенческай, Шевченко уулуссаларыгар «РИК Автодор» АУо ыыталлар.