13.12.2022 | 17:30

Куорат уокуруктарыгар Биир кэлим информационнай күн ыытылынна

РФ Төрүт сокуонун күнүгэр Дьокуускай уокуруктарыгар уонна кытыыларыгар Биир кэлим информационнай күн ыытылынна диэн Олохтоох дьаһалта пресс-сулууспата иһитиннэрдэ.
Куорат уокуруктарыгар Биир кэлим информационнай күн ыытылынна
Ааптар: Киин Куорат
Бөлөххө киир

Гагарин уокуругар босхо юридическай консультациялары Олохтоох дьаһалта Быраапка департаменын, «Дьиэ-уот сыһыаннаһыыларын департамена» МХТ, «Куораты тутуу уонна тырааныспар инфраструктуратын департамена» МХТ, Гагарин уокуругун Управатын юристара ыыттылар.

Олохтоохтору сүнньүнэн сир сыһыаннаһыылара, гараас тутуута, социальнай гаастааһын, хомунаалынай өҥө эйгэтигэр чэпчэтиилэринэн туһаныы долгуталлар. Итиэннэ суол өрөмүөнүгэр уонна сылаас тохтобулларга сыһыаннаах ыйытыктар киирдилэр.

Губинскай уокурукка Управа салайааччыта Гулжан Огонерова баһылыктаах оробуочай бөлөх 24-с №-дээх «Сардаана» уһуйаан кэлэктиибин ыйытыыларыгар хоруйдаата.  Педагогтар инники былааннары уонна киин куорат сайдыытын ыйыталастылар.

Олохтоох дьаһалта оробуочай бөлөҕүн састаабыгар Губинскай уокурук Управатын салайааччыта Гулжан Огонерова, Предпринимательство, потребительскэй ырыынак уонна туризм сайдыытын департаменын начаалынньыга Ирина Седова, Үөрэҕирии управлениетын оскуола иннинээҕи үөрэхтээһин салаатын начаалынньыга Елена Томтосова, «Дьиэ-уот сыһыаннаһыыларын департамена» МХТ дириэктэрин солбуйааччыта Светлана Иванова, «Куораты тутуу уонна тырааныспар инфраструктуратын департамена» МХТ Тырааныспар уонна суол хаһаайыстыбатыгар управлениетын начаалынньыга Василий Амбросов, «Сир сыһыаннаһыыларын агентствота» МХТ исписэлииһэ Евдокия Сивцева бааллар.

Сайсары уокуругун Управатыгар гражданнары кытта «Куораты тутуу уонна тырааныспар инфраструктуратын департамена» МХТ,  «Дьиэ-уот сыһыаннаһыыларын департамена» МХТ, Олох-дьаһах хомунаалынай хаһаайыстыбатыгар уонна энергетикаҕа департамент исписэлиистэрэ уонна Сайсары уокуругун Управатын салайааччыта Владимир Слепцов көрүстүлэр.

Уокурук олохтоохторо кыһалҕаларын үллэһиннилэр, этиилэрин киллэрдилэр. Сүрүннээн тохтобуллар икки ардылара ыраахтарын, суол оҥоһуутун, хаарбах дьиэ боппуруостарын таарыйдылар. Итини сэргэ бэтэрээннэргэ аналлаах сынньанар киин уонна Ийэ аллеятын туһунан ыйыталастылар.

Көрсүһүүлэргэ куорат олохтоохторо үтүө уларыйыылары – тиэргэн территорияларын тупсарыыны, суол өрөмүөнүн уонна саҥа сылаас тохтобуллары бэлиэтээтилэр.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.