Куорат уокуругун планеркатыттан

- Нэдиэлэ устата киин куоракка сокуоннайа суох атыыланар 645 лиитэрэ итирдэр бородууксуйа тутулунна. Арыгы атыытын быраабылатын кэһии иһин 24 административнай боротокуол толорулунна, 645 лиитэрэ испиир былдьанна.

- Полиция сылаас тохтобулларынан 336 эриэйдэни оҥордо, быраабы кэһии иһин 52 киһи тутулунна.

- Дьокуускайга 69 суол саахала регистрацияланна, итинтэн биэһигэр 6 киһи эчэйдэ. Итини сэргэ нэдиэлэ устата 1049 суол быраабылаларын кэһии тахсыбыта билиннэ, ол иһигэр 38 суоппар итирик туруктаах тутулунна.

- Нэдиэлэ устата 63 дьэллик ыт тутулунна, 59 – ааспыт нэдиэлэҕэ. Ыттары булан тутууга 6 биригээдэ үлэлиир. Ветеринария департамена дьиэ харамайдарын иитии быраабылата тутуһуллуутун бэрэбиэркэлээн 12 эриэйдэни ыытта, быраабыланы кэһии 7 түбэлтэтэ билиннэ, административнай боротокуол толорулунна.

- Куораттааҕы уулусса-суол ситимиттэн «Якутдорстрой» АУо полигоҥҥа 15,27 тыһ. куб. хаары тиэйдэ. Итиннэ эбии 900 куб. тахса хаары уокуруктар управаларын бэдэрээтчит тэрилтэлэрэ тротуардартан күрдьэн тиэйдилэр. Сезон саҕаланыаҕыттан полигоҥҥа барыта 58 тыһ. куб. хаары тастылар.