Куорат таһынааҕы газификация эбийиэктэрин бу ыйга тутан бүтэрэллэр

Марха дьоҕус оройуонугар балаҕан ыйа бүтүөр диэри газификация эбийиэктэрин тутуу түмүктэнэр. Ол туһунан СӨ промышленноска уонна геологияҕа министиэристибэтин пресс-сулууспата иһитиннэрдэ. 
«Билигин тутуу тэҥҥэ Мархинскай, Жатайскай, 1-кы Жатайскай, Просторнай, Студенческай уулуссаларга, Просторнай уонна Аргыс уулуссалар быһа охсуһууларыгар Марха дьоҕус оройуонугар бара турар. Тутулла турар ситимнэр уопсай уһуннара – 1,7 км.», – диэн этиллэр иһитиннэриигэ. 
Гаас саҥа ситимнэрэ 130, инники өттүгэр өссө 300 сир учаастактарыгар гааһы тиэрдиигэ техническэй кыаҕы биэриэхтээхтэр.  Ити эбийиэктэр 2021 сыл балаҕан ыйа бүтүөр диэри үлэҕэ киирэллэрэ былааннанар. 
Гаас ситимнэрин тутууга барыта 42,5 мөлүйүөн солкуобай көрүллүбүт.