15.06.2022 | 13:06 | Просмотров: 691

Куорат сибэккинэн симэнэрэ ыраах...

Ыксаабаппыт дуу, «ыһыктынныбыт» дуу?

Ааптар: Айыына КСЕНОФОНТОВА

Көҕөрдүү, тупсарыы үлэтин сырдатаары, икки сарсыарда анаан-минээн куорат устун сатыы дьаарбайдым. Быһа түһэн эттэххэ, үгүс сиргэ кураанах кулуумбалар кэри-куру көрөн тураллар. Ол эрээри харах кэрэхсиир, сэргиир сирдэрэ бааллар, суох буолбатахтар.

Бэс ыйын 13 күнэ, Сэргэлээх. Техническэй факультет куорпуһун, КФЕН иннилэригэр сибэкки арааһа олордуллубут. Сарсыарда аайы уу кута сылдьар буолаллар. Көрүүтэ-истиитэ үчүгэй.

Үөрэх сүрүн куорпуһун (ГУК) кэннигэр турбалары сыбааркалыы сылдьаллар. Тутуу бөҕө хомуллубакка кыстанан сытар. Саатар туох ааттаах ала буурҕата ыскайдаабытай?

Күн уотуттан өҥө өлбөөрбүт билборд, “сөптөөҕүн сулууспалаатым” диэбиттии, Кыайыы сылын уруйдуур.

Ленин болуоссата куорат олохтоохторун сиэдэрэй сибэккитинэн үөрдэр. Суол өрөмүөнэ көҕөрдүү үлэтигэр мэһэйдээбэтэх.

“Юность” стадион иннигэр кытай дьахтара ньээм оту түөрэн ыла олорор. Салапааныгар уктан иһэр. Сирэйин кистиир. “Маннык көҥүллэнэр дуо?” диэн ыйытыыга, “муосуна-муосуна” диэн хоруйдаата. Эбэн эттэххэ, кэлии омук дьоно ньээм оту хото хомуйалларын туһунан кэллиэгэбит Телеграмҥа суруйбута. Силистиин-буордуун түөрдэхтэринэ, сотору кэминэн ньээм от Кыһыл кинигэ испииһэгин кэҥэтэр кутталлаах.

Орджоникидзе болуоссата. Саха тыйаатырын эрэ таһыгар сибэкки олордуллубут. Фонтаннаах өттө хара буорунан уонна сыыс отунан көрөн турар. Сибэкки иһиттэрин кэчигирэппиттэриттэн сэрэйдэххэ, үлэ бу күннэргэ ыытыллыахтаах.

“Өрөгөй” спорт киинин иннигэр турар ыскамыайкалар бүтэһигин хаһан кырааскаламмыттара биллибэт. Сайыҥҥы куйаас күннэри баттаһа, үлэ ыытыллар ини?

Бэс ыйын 14 күнэ. Дьокуускай куорат бочуоттаах гражданина, губернатор Иван Крафт бюһа уонна... от-мас “силигилии” үүммүт кулуумбалара.

Доҕордоһуу болуоссата сайын аайы киэркэйэр. Быйылгы композиция өрөспүүбүлүкэ 100 сылыгар аналлаах.

Ленин проспегар хапытаалынай өрөмүөн үлэтэ күөстүү оргуйар, тиэхиньикэ тыаһа биир кэм ньиргийэр. Ол эрээри тэрилтэлэр дьиэлэрин иннилэригэр көҕөрдүү үлэтэ лаппа мөлтөөбүт, “ыһыктыныы” сибикитэ биллэр.

Холобур, “АЛРОСА” иннинээҕи кирээдэлэр сыыс отунан туолан тураахтыыллар.

Национальнай библиотека иннигэр аҕыйах петуния кылайар.

Аптека уонна ломбард икки ардыгар биир дьахтар сибэкки олордон түбүгүрэр.

Нуучча тыйаатырын уҥа өттүгэр дьэрэкээн өҥнөөх петуния, от-мас быыһыттан улуу Пушкин строкалара кутуллаллар.

Дөлүһүөн сибэккитэ кэрэтинэн хайа да петунияны баһыйар!

Уопсайынан, куораппыт сибэккинэн симэнэрэ, күөҕүнэн чэлгийэрэ арыый эрдэ соҕус эбит. Баҕар, быйыл сайыммыт хойутаабыт буолан, көҕөрдүү үлэтэ бытаарбыта дуу дии санаатым. Эбэтэр суол өрөмүөнэ мэһэйдээбитэ оччо дуу, онон сылтанан, сорохтор ыһыктынан кэбиспиттэр дуу?

Ыйытык

Сонуннар

12.02.2026 | 15:55

Массыанньыктар саҥа схемалара

12.02.2026 | 15:41

50 сыл бииргэ олорбуттар уонунан тыһыынчаны ылыахтарын сөп: хайдах?

12.02.2026 | 15:39

2026 сылга Муусука үрдүкү оскуолатын саҥа куорпуһа үлэҕэ киирэр

12.02.2026 | 15:23

Арктика оройуоннарыгар – мобильнай офтальмологтар

12.02.2026 | 10:50

Суукка иһигэр туох буруй оҥоһулунна

12.02.2026 | 10:49

17-с №-дээх оскуолаҕа салҕааһын тутуллуоҕа

12.02.2026 | 10:27

Күннэй ыҥырыынан тоҕо ыллаабатын быһаарда

11.02.2026 | 18:00

Режиссер Валентин Макаров: «Баҕар, бу киинэ кэнниттэн күүлэй улахан таһымҥа тахсыаҕа...»

11.02.2026 | 16:10

Сорох хомунаалынай өҥөнү төлөөмүөххэ сөп дуо?

11.02.2026 | 14:24

Куорат баһылыгын талыы бэрээдэгэ бигэргэннэ

11.02.2026 | 13:51

ҺӨҔҮҤ

11.02.2026 | 13:21

Регионнааҕы ийэ хапытаала — хайдах, ханна туттуохха сөбүй?

11.02.2026 | 11:18

Биир техникумтан икки диплом

11.02.2026 | 08:00

Төрдү-ууһу үөрэтиигэ интэриэс күүһүрэр

10.02.2026 | 12:00

Сыл саҕаланыаҕыттан 200-тэн тахса дьэллик ыт тутулунна

10.02.2026 | 11:36

Суукка иһигэр туох буруй оҥоһулунна

10.02.2026 | 11:22

Бөх кыһалҕата хамсаан эрэр

09.02.2026 | 20:00

Ойуу тылын күүһэ

09.02.2026 | 11:53

Тымныйыынан ыалдьыы боруогу 20% куоһарда

09.02.2026 | 10:31

Оптуобустан сибэкки атыыласпат буоллубут

Ордук ааҕаллар

Сонуннар | 11.02.2026 | 08:00

Төрдү-ууһу үөрэтиигэ интэриэс күүһүрэр

М.Е. Николаев аатынан оскуолаҕа киирэр үөрэнээччи бастатан бэйэтин төрөппүттэриттэн саҕалаан эбэтин, эһэтин туһунан төрүччү оҥорорго болҕомто ууруохтаах эбит. Хас биирдии үөрэнээччи төрүччүтэ оскуола интерактивнай түмэлин базатыгар киирэн, уларыйыы баар буоллаҕына, саҥа чахчыларынан эбиллэн иһэр. Оскуола обществознаниеҕа учуутала Василий Перевалов уонна түмэл иһинэн куруһуокка дьарыктанар Ньургуйаана Данилова «Оскуола устуоруйата» диэн экраҥҥа...

Сынньалаңңа | 06.02.2026 | 20:30

ЭРГЭ ХААРТЫСКА

Халыҥ сис тыаны аастахха, суол өҕүллүүтүн кэнниттэн эмискэ киэҥ алаас нэлэһийэ түһэр. Урукку кэм тутуулара – эргэ дьиэлэр онон-манан бытанан тураллар. Аҕыйах ахсааннаах самнан эрэр хотоннор, субу сууллан түһүөхчэ, иҥнэспиттэр. Намыһах сыыр анныгар тутуллубут сайыҥҥы титиик таһыгар түптэ күөх буруота унаарар. Дэриэбинэ сүөһүлэрэ киэһээҥҥи ыам кэнниттэн, кэбинэн кэбиһэ-кэбиһэ, бырдахтан күрэнэн,...

Дьон | 11.02.2026 | 09:30

Киһи олоҕо тугунан сыаналанарый?...

“Киин куорат” хаһыат саайтыгар тахсыбыт “Улуу дьон аата харчынан кээмэйдэнэр дуо" диэн ыстатыйаны ааҕан баран, бэйэм санаабын суруйарга сананным.

Тускар туһан | 08.02.2026 | 18:30

Испирдиэн сүбэтигэр наадыйааччы элбиир

Батсаапка саҥа саҕалааччыга да, дьарыктаммыта өр буолбут да оҕуруоччукка олус туһалаах бөлөх арааһа баар. Быйыл, «миигинниин биэс хааһах» диэбиккэ дылы, оннук бөлөхтөргө суруйтарбытым.