Куорат сүрүн харыйатын аныгыскы нэдиэлэҕэ туруоран бүтүөхтэрэ
Бу нэдиэлэҕэ Орджоникидзе болуоссатыгар саҥа дьыллааҕы харыйаны туруоран саҕалаатылар, аҕыйах күнүнэн симээн бүтэриэхтэрэ. Бу туһунан “Горсвет” МУТ дириэктэрин солбуйааччы Валерий Клепиков иһитиннэрэр.
Киин куорат сүрүн харыйатын туруорууга улахан уларыйыы суох, үһүс сылын маннык турар диэтэ Клепиков. 24 миэтэрэ үрдүктээх бырааһынньыктааҕы харыйаны уон электромонтер туруора сылдьар.
Саҥа дьыллааҕы харыйа уотун уматыы сиэрэ-туома, “Кыһын Саха сириттэн саҕаланар” бэстибээл чэрчитинэн, ахсынньы 1 күнүгэр ыытыллыаҕа.