29.08.2020 | 11:53

Куорат оскуолаларыгар – идэтийии иннинээҕи үөрэхтээһин

Куорат оскуолаларыгар – идэтийии иннинээҕи үөрэхтээһин
Ааптар: Киин Куорат

Дьокуускайга 2020-2021 үөрэх дьылыгар “Старшая школа: сеть классов предпрофессионального образования” тус сыаллаах бырайыак үлэтэ саҕаланыаҕа. Ол чэрчитинэн киин куорат алта оскуолатыгар үөрэнээччилэри идэтийиигэ бэлэмниир сэттэ кылаас арыллыаҕа. Олор үрдүк үөрэх кыһаларын, тэрилтэлэри кытта ыкса ситимнээхтик үлэлэһиэхтэрэ. Бу туһунан куорат дьаһалтатын үөрэххэ управлениета иһитиннэрэр.

2 №-дээх оскуолаҕа “Якутскэнерго” публичнай акционернай уопсастыба өйөбүлүнэн энергетическэй кылаас арыллыаҕа. Бырагыраама партнерунан Москватааҕы энергетика института буолуоҕа. Оттон ХИФУ ФТИ-тын кытта үлэ салҕаныаҕа. Оҕолор электро-теплоэнергетика, электротехника, информационнай систиэмэлэр уонна технологиялар хайысхаларын чиҥэтэн үөрэтиэхтэрэ.

5 №-дээх оскуолаҕа гуманитарнай хайысхалаах академическай кылааска дьоҕурдаах оҕолору сүүмэрдиир. Норуоттар доҕордоһууларын Арассыыйатааҕы университетын, ХИФУ ФЛФ-тын кытта бииргэ үлэлиэхтэрэ. Үөрэх бырагырааматын партнерунан “Саха” национальнай көрдөрөр-иһитиннэрэр хампаанньа ааттанна. Оҕолор искусство, тыл наукаларын дириҥэтэн үөрэтиэхтэрэ, медиакоммуникация эйгэтин билсиэхтэрэ.

33 №-дээх оскуола кулун тутарга Арассыыйа ЫБММ-н Саха сиринээҕи сүрүн управлениетын кытта каадырдары бэлэмниир туһунан дуогабар түһэрсибиттэрэ. Выпускниктар бу эйгэ үлэһиттэрин көччөх гынан көтүтэр дойду биллэр-көстөр, суон сураҕырар үрдүк үөрэх бастыҥ кыһаларыгар киирэр буолуохтара.

23 №-дээх оскуолаҕа тырааныспар үлэһиттэрин бэлэмниэҕэ, үөрэх бырагырааматын СӨ тырааныспарга уонна суол-иис хаһаайыстыбатыгар министиэристибэтэ өйүөҕэ. Үөрэнээччилэр Арассыыйа араас куораттарыгар бу эйгэ идэлэригэр үөрэнэ барыахтара.

Куораттааҕы классическай гимназияҕа омук тылларын дириҥэтэн үөрэтэр гуманитарнай хайысхалаах кылаас арыллар. Выпускниктар оскуоланы аттестаттаах уонна норуоттар икки ардыларынааҕы DSD (ньиэмэс тыла) уонна DELF (француз тыла) дипломнаах бүтэриэхтэрэ. Оҕолор норуоттар икки ардыларынааҕы сыһыаны, политологияны, публичнай политиканы, социальнай наукалары үөрэтиэхтэрэ.

31  №-дээх оскуола ХИФУ Мединститутун кытта төрдүс сылын эмчит буолуохтаах оҕолору бэлэмнииллэр. Быйыл педагогика кылааһа арыллыаҕа.

Бырайыак үлэтигэр Дьокуускай куорат эбии үөрэхтээһинин тэрилтэлэрэ төһүү күүс буолуохтара.

Оскуолалар Үөрэх управлениетын ыйытыгынан куорат атын оскуолаларыттан 9 кылаас үөрэнээччилэрин куонкуруһунан сүүмэрдииллэр.   

Сонуннар

Ордук ааҕаллар

Коркинныы олоруохха, Коркинныы айыахха
Дьон | 10.09.2021 | 15:49
Коркинныы олоруохха, Коркинныы айыахха
Итинник угуйар-көҕүлүүр ааттаах хамсааһын  Дьокуускай куоракка “Строительнай” эргиэн киинигэр саха улуу саарынынан ситимнэнэр. ХХ үйэ чулуу киһитэ, Саха АССР үтүөлээх учуутала, ССРС, РСФСР, Саха АССР үтүөлээх тириэньэрэ, “Бочуот Знага” уонна “Октябрьскай өрөбөлүүссүйэ” уордьаннар кавалердара  Дмитрий Петрович КОРКИН үөрэнээччилэрэ XXI Олимпиадаҕа Чыпчаал ситиһиилэригэр ананан, улахан педагог буоларынан 2018 сылтан улахан тэрээһин күһүн...
Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Дьокуускай куорат мин харахпынан
Куорат олоҕо | 12.09.2021 | 10:00
Дьокуускай куорат мин харахпынан
Сахабыт сирин килбэйэр киинэ, тапталлаах куораппыт 389 сааһын томточчу туоларынан барыгытын эҕэрдэлиибит. Биһиги ааҕааччыларбытыттан Дьокуускай куорат дьон олороругар туох үчүгэйдээҕин уонна мөкү өрүттэрдээҕин ыйыталастыбыт.   Маргарита, 29 саастаах, маҕаһыын атыыһыта: Куорат кытыытынааҕы оройуоннары тоҕо сайыннарбаккыт? Куорат киинигэр түргэнник кэлэр-барар уустук. Уопсастыбаннай тырааныспары  уларытыахха уонна сайыннарыахха наада. Биһиги ааспыт үйэ 70-с...
Киин куорат  мураллара
Куорат олоҕо | 11.09.2021 | 13:17
Киин куорат мураллара
Кэнники аҕыйах сылга Дьокуускай дьиэлэрэ стрит-арт көмөтүнэн улаханнык уларыйдылар. Олохтоох уонна тас дойду худуоһунньуктара олус чаҕылхай, киһи өйүгэр хатанар ойууларынан куорат тас көстүүтүн киэргэттилэр. Хаһыаппыт бу нүөмэригэр 2016 сылтан Дьокуускайга оҥоһуллубут мураллары сырдатабыт.  Мурал – дьиэ эркинигэр эбэтэр иһигэр уруһуйданар уустук ойуу.   «Айыыһыт» Ханна баарый? Лермонтов уул., 56, Щорс...