Куорат олохтоохторун болҕомтотугар: Ойууру уоттан харыстааҥ

Ойуур баһаарын төрүөтэ буолбат туһуттан хас биирдии киһи баһаартан сэрэхтээх буолуу ирдэбиллэрин булгуччу тутуһуохтаах. Чуолаан, бас билэр, туһанар тутууларыгар олохтоох бэйэни салайыныы уорганынан бигэргэтиллибит баһаары умуруорар тэрил баар буоларын хааччыйахтаах. Ойуурга уот турбутун бэлиэтии көрөр түгэнигэр, суһаллык баһаарынай сулууспаҕа биллэрэргэ кыһаллыахтаах. Баһаарынайдар кэлиэхтэригэр диэри дьону, малы-салы быыһыыр дьаһаллары ылыныахтаах, уоту умуорууга күүһүн ууруохтаах. Уоту кытта охсуһа кэлбит баһаарынай сулууспаҕа көмөлөһөр булгуччулаах.
Маны сэргэ бу түгэҥҥэ хас биирдии киһи судаарыстыбаннай баһаарынай надзор дуоһунастаах сирэйдэрин дьаһалын толоруохтаах. Арассыыйа федерациятын сокуонунан олохтоммут бэрээдэгинэн судаарыстыбаннай баһаарынай хонтуруол дуоһунастаах сирэйдэригэр бас билэр эбэтэр туһанар тутуутугар чинчийиини уонна бэрэбиэркэни ыытар кыаҕы биэриэхтээх.

Санатар буоллахха, ойуурга баһаартан сэрэхтээх буолуу быраабылатын кэһии РФ Административнай буруйу оҥоруу кодексатын 8.2 ыстатыйатынан биирдиилээн киһиэхэ 15 тыһ. солкуобайтан 30 тыһ. солкуобайга диэри ыстараап көрүллэр; дуоһунастаах сирэйдэргэ - 30 тыһ. солкуобайтан 50 тыһ. солкуобайга диэри; юридическэй сирэйдэргэ - 100 тыһ. солкуобайтан 400 тыһ. Солкуобайга диэри, диэн иһитиннэрэр Дьокуускай куорат прокуратурата.