Куорат маастар-былаана бигэргэтилиннэ
Кулун тутан 14 күнүгэр, «Cаха Өрөспүүбүлүкэтин киин куоратын – Дьокуускай куораты 2032 сылга диэри сайыннарыы туһунан» Ил Дархан ыйааҕыгар олоҕуран, киин куорат баһылыга Евгений Григорьев Дьокуускай куорат маастар-былаанын бигэргэттэ.
Санатар буоллахха, Илин Уһук уокуругун 50 тыһыынчаттан элбэх нэһилиэнньэлээх куораттарын сайдар былааннара дойду Бэрэсидьиэнэ Владимир Путин сорудаҕынан оҥоһуллубуттара. Саха Өрөспүүбүлүкэтин Баһылыга Айсен Николаев эрдэ Дьокуускай маастар-былаана куораты тутуу эрэ буолбакка, инники олоҕу былааннааһын докумуона буолуохтаах диэн турар.
Бырайыак 2021 сыл сэтинньи 17 күнүттэн саҕаламмыта. 2022 сыл олунньу 8 күнүгэр маастар-былааны оҥорууга Бүтүн Арассыыйа таһымнаах куонкурус биллэриллибитэ. 2022 сыл олунньу 1 күнүттэн кулун тутар 20 күнүгэр диэри нэһилиэнньэҕэ ыйытык ыытыллыбыта уонна ол түмүгэ маастар-былаан тэхиньиичэскэй сорудаҕар киирбитэ. 2022 сыл от ыйын 13 күнүгэр ыытыллыбыт аһаҕас күрэх түмүгүнэн кыайыылааҕынан «Институт Генплана Москвы» ГАУ баһылыктаах консорциум ааттаммыта. 2023 сыл кулун тутар 14 күнүгэр Дьокуускай куорат маастар-былаанын баһылык Евгений Григорьев бигэргэттэ.
Дьокуускай куорат маастар-былаана, дьаһал: https://yakutskcity.ru/upload/Распоряжение%20364р.pdf
Сонуннар
Ордук ааҕаллар
