31.08.2022 | 16:00

Куорат күнүгэр бэлэмнэнии салҕанар

Куорат баһылыга Евгений Григорьев атырдьах ыйын 30 күнүгэр Дьокуускай куорат төрүттэммитэ 390 сылыгар бэлэмнэнии тэрийэр хамыыһыйатын уочараттаах мунньаҕын ыытта. Бу туһунан Олохтоох дьаһалта пресс-сулууспата иһитиннэрдэ.
Куорат күнүгэр бэлэмнэнии салҕанар
Ааптар: Киин Куорат
Бөлөххө киир

Мунньахха Олохтоох дьаһалта структурнай салааларын салайааччылара балаҕан ыйын 1-11 күннэригэр ыытыллар бырааһынньыктааҕы тэрээһиннэргэ бэлэмнэнии хаамыытын билиһиннэрдилэр.

Куорат күнүн көрсө Гагарин уокуругар «Северная сказка» саҥа оҕо уһуйаана, Птицефабрика уул., 6, 7, Крупская уул., 21, 23, Чкалов уул., 1, Автодорожнай уул., 40/5, 40/6 тупсарыллыбыт тиэргэн территориялара, итиэннэ воркаут-балаһааккалар, сылаас тохтобуллар аһыллыахтара. Куорат күнүгэр үгэс быһыытынан Дьокуускай куораты төрүттээбит Петр Бекетов, Семен Дежнев уонна губернатор Иван Крафт пааматынньыктарыгар сибэкки дьөрбөтүн ууруохтара.

Олохтоох дьаһалта Култуураҕа уонна духуобунай сайдыыга управлениетын начаалынньыга Индира Ли бырааһынньыктааҕы сүрүн тэрээһиннэри билиһиннэрдэ. Тэрээһиннэр 5 балаһаакканан ыытыллыахтара – Кырдьаҕас куоракка, Карл Маркс аатынан сквергэ, Теплай күөлгэ, Култуура уонна сынньалаҥ пааркатыгар.

Киин куорат олохтоохторун уонна ыалдьыттарын киэҥ култуурунай бырагыраама – 70-тан тахса араас тэрээһин күүтэр. Ол курдук,  нон-стоп эрэсииминэн кэнсиэртэр, бэстибээллэр, куонкурустар, тематическай быыстапкалар, дьаарбаҥкалар, кинигэлэр сүрэхтэниилэрэ, маастар-кылаастар буолуохтара.

Итиэннэ балаҕан ыйын 8-11 күннэригэр федеральнай экспертэр кыттыылаах «Якутск 4.0.0 Старт» форум ыытыллыаҕа.

Куорат күнүн бэлиэтиир бырааһынньык салютунан түмүктэниэҕэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.