Куорат инфраструктурата сайдар
«Водоканал» АУо генеральнай дириэктэрэ Анатолий Кырджагасов куорат баһылыгар тутуу кэмигэр көрсүбүт кыһалҕаларын иһитиннэрдэ. Итиэннэ суол балаһатын чөлүгэр түһэрии, аспааллааһын, тупсаран оҥоруу үлэтэ бу дьыл балаҕан ыйын 25 күнүгэр диэри түмүктэнэрин бэлиэтээтэ.
«Куорат хаһаайыстыбатын үлэлэтэр сулууспа» МХТ салайааччыта Владимир Аммосов информациятынан, Чернышевскай уулуссатыгар тротуардары, хааччахтары, бордюрдары оҥоруу былааннаммыт. Итини сэргэ уу сүүрдэр лотоктары ыраастыахтара.
Евгений Григорьев бэдэрээтчит тэрилтэ салалтатын кытта ууруллубут турбалары хаҥатыы, суол балаһатын чөлүгэр түһэрии боппуруостарын уонна тутуу учаастагар сир түһүүтүн туһунан кэпсэттэ.
Көһө сылдьар мунньах кэмигэр итини кытта үлэ түмүктэнэр болдьоҕун, санкцията суох ситимнэри таһаарыыны, территория таһыттан ууну ыытыыны уонна Чернышевскай уулуссатыгар тырааныспар сырыытын арыйыы туһунан дьүүллэстилэр.
Сонуннар
Ордук ааҕаллар
