12.08.2022 | 16:00

Куорат Дууматыгар сис хамыыһыйа мунньаҕа ыытылынна

Дьокуускай куораттааҕы Дуума ыччат бэлиитикэтигэр, физическэй култуураҕа уонна чөл олоххо сис хамыыһыйатын мунньаҕа ыытылынна диэн Дуума пресс-сулууспата иһитиннэрдэ.
Куорат Дууматыгар сис хамыыһыйа мунньаҕа ыытылынна
Ааптар: Киин Куорат

«Эдэр ыаллары дьиэнэн хааччыйыы» бырагыраама сыл бастакы аҥаарыгар туолуутун туһунан «Дьиэ-уот сыһыаннаһыыларын департамена» МХТ дириэктэрэ Евгения Пак иһитиннэрдэ.

Кини эппитинэн, бырагыраама олоххо киириитин чэрчитинэн, дьиэ оросчуоттаммыт сыанатыттан 30-35%-наах социальнай төлөбүр бэриллэр. Үбүлээһин федеральнай, өрөспүүбүлүкэтээҕи уонна олохтоох бүддьүөттэртэн кэлэр. Бырагыраама олоххо киирэригэр 2022 сылга 61,7 мөл солкуобай, ол иһигэр 33,4 мөл солкуобай олохтоох бүддьүөттэн көрүллүбүт.

«Көрүллүбүт үбүлээһиҥҥэ олоҕуран 2022 сылга социальнай төлөбүрү  ылар испииһэккэ 25 дьиэ кэргэн бигэргэтилиннэ. От ыйын 1 күнүгэр Биэдэмистибэлэр икки ардыларынааҕы хамыыһыйа 4 ыалы эбии киллэрдэ, онон уопсайа  29 дьиэ кэргэн бигэргэтилиннэ, 27 сертификат туттарылынна. Икки ыал докумуона оҥоһулла сылдьар. Холбоһуктаах испииһэккэ барыта 375 ыал баар», — диэн иһитиннэрдэ Евгения Пак.

Кини 2020 сылтан докумуонннары туттарарга e-yakutia.ru судаарыстыбаннай өҥө регионнааҕы порталыгар суруттарыллар диэн иһитиннэрдэ.

«Ыччат. Дьиэ кэргэн. Спорт. 2020-2024 сылларга чэгиэн куорат» муниципальнай бырагыраама олоххо киириитин туһунан Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениетын начаалынньыгын эбээһинэһин толорооччу Андрей Михайлов иһитиннэрдэ.

Кини сыл бастакы аҥаарыгар 34 мөл солкуобай бүддьүөт үбүлээһинэ бигэргэтиллибитин уонна барыта туттуллубутун бэлиэтээтэ.

«Быраап култууратын үрдэтэр видеоролик оҥоһулунна, “МЭР” дьыалабыай оонньуу, “Мин — Арасыыйа патриотабын”, “Өйдөбүнньүк чүмэчитэ”, “Туймаада ыһыаҕын” чэрчитинэн ыччат тэрээһиннэрэ уо.д.а. ыытылыннылар»,  — диэн кэпсээтэ Андрей Михайлов.

Физическэй култуураҕа уонна спортка управление салаатын начаалынньыга Иннокентий Макаров «Ыччат. Дьиэ кэргэн. Спорт. 2020-2024 сылларга чэгиэн куорат» муниципальнай бырагыраама чопчуламмыт былаана 27,5 мөл солкуобай суумалаах диэн иһитиннэрдэ.

Сириэстибэ куораттааҕы физкультура уонна спорт официальнай тэрээһиннэрин, үөрэтэр-эрчийэр хомуурдары ыытыыга, Уһук Илиҥҥи федеральнай уокурук күрэхтэһиилэригэр кыттарга анаммыт.  

Отчуокка этиллибитинэн, 2022 сыл алта ыйын иһигэр 40 спорт маассабай тэрээһинэ ыытыллыбыт, онно 10 тыһыынчаттан тахса киһи кыттыбыт.

«2022 сыл алта ыйын түмүгүнэн Дьокуускай куорат хомуур хамаандалара өрөспүүбүлүкэтээҕи, Бүтүн Арассыыйатааҕы турнирдарга уонна чемпионаттарга 239 бириистээх миэстэҕэ тигистилэр: улахан дьоҥҥо — 156, үөрэнээччилэргэ — 83 мэтээл», — диэн бэлиэтээтэ Иннокентий Макаров.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.