01.07.2021 | 10:00

Куорат Думатын депутаттара суолталаах докумуону ылыннылар

Куорат Думатын депутаттара суолталаах докумуону ылыннылар
Ааптар: Киин Куорат
Бөлөххө киир

Бэҕэһээ куораттааҕы Дума уочараты таһынан 30 сессиятыгар Дьокуускай территориятын тупсарыыга Быраабылалар бырайыактарын ылыннылар. Сессия бэбиэскэтинэн 8 боппуруос көрүллүбүт.  
«Дьокуускай территориятын тупсарыы Быраабылаларын бигэргэтии туһунан» бастакы боппуруос дьүүллэһиитигэр сүрүн дакылаатчытынан куораты тутуу уонна тырааныспар Департаменын начальнига Северина Архипова буолла. Кини быраабылалары бэрээдэктиир докумуон 16 главалаах уонна 84 ыстатыйалаах диэн бэлиэтээтэ. 
Ити докумуоҥҥа оҕо уонна спортивнай, ону тэҥэ дьиэ харамайдарын күүлэйдэтэр балаһааккалар хайдах быһыылаах буолуохтаахтарын бэрээдэгэ, ону тэҥэ парковкалар, тротуардар, аллеялар уо.о.д.а. оҥоһуктар туһунан сурулла сылдьар. Докумуоҥҥа инбэлииттэр уонна саастаах, кыаммат дьон сылдьалларыгар табыгастаах суоллар, уопсастыбаннай сирдэр  баар буолалларыгар болҕомто ууруллубут. Итиннэ эбии сырдатыы, көҕөрдүү, ардах уутун сүүрдэн ыытыы, сир үлэлэрэ, территория хомуйуута киирэн сылдьаллар. 


Куорат баһылыга Евгений Григорьев депутаттар куорат инники сайдыытыгар улахан суолталаах докумуону ылыммыттарын бэлиэтээтэ. Кини куорат Салайар хампаанньаларын үлэтин хонтуруоллааһыҥҥа уонна лицензиялааһыҥҥа өрөспүүбүлүкэ боломуочуйаларын куорат дьаһалтатыгар биэрэр наадалааҕын чорботон эттэ. Баһылык ити хайысханан үлэ барарын, кэпсэтии ыытылларын иһитиннэрдэ. 
Куораттааҕы Дума депутаттара «Уокуруктааҕы дьаһалта структурата” боппуруоһу биир санаанан өйөөтүлэр. Ону сэргэ «Дьокуускай куорат Уокуруктааҕы дьаһалтатын террриториятын кытта үлэлиир Департамент Балаһыанньатын бигэргэтии», «Ыччакка уонна дьиэ кэргэҥҥэ Управление Балһыанньатыгар уларытыылары киллэрии” уо.о.д.а. боппуруостары көрдүлэр.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...