Куорат дьаһалтатыгар уларыйыы

2021 сыл ыам ыйын 31 күнүттэн Дьокуускай куорат баһылыгын куорат хаһаайыстыбатын боппуруостарыгар солбуйааччынан Егор Кардашевскай ананна. 

Егор Ефимович Кардашевскай Арассыыйа бастакы Бэрэсидьиэнин аатынан Ураллааҕы судаарыстыбаннай техническэй университеты инженер квалификациялаах, «теплогазоснабжение и вентиляция» идэлээх бүтэрбит.
Үлэтин 2009 сыллаахха «Якутскэнерго» ААУо Дьокуускайдааҕы ГРЭС машинист-обходчигынан саҕалаабыт (2009-2011). 
2012-2021 сылларга СӨ ОДьКХ ситимигэр араас дуоһунастарга – Орто Халыма уонна Сангаар учаастактарыгар; «Коммунтеплосбыт» уонна Абый филиалларыгар үлэлээбит. 
2021 сыл тохсунньу 1 күнүттэн «Куорат хаһаайыстыбатын үлэлэтэр сулууспа» муниципальнай хааһына тэрилтэтигэр производственнай-техническэй салаа начаалынньыгынан үлэлээбит.