Куорат былааһа сыананы хонтуруоллаһар

Быйылгыттан сыананы хонтуруоллааһын боломуочуйата дойду субъектарын таһымыгар бэрилиннэ, ол эрэн Дьокуускай былааһа табаар сыанатын хонтуруолуттан туора турбат. Ол туһунан «Саха» ГТРК «Прямой эфир с городом» бырагырааматыгар куорат баһылыга Евгений Григорьев иһитиннэрдэ.
«Бүгүн сыана бэлиитикэтинэн, ол иһигэр предпринимателлэри уонна сыананы үрдэтэллэрин хонтуруоллааһынынан Саха Өрөспүүбүлүкэтин сыана бэлиитикэтигэр Судаарыстыбаннай кэмитиэтэ дьарыктанар. Ол эрэн, Дьокуускай предпринимательствоҕа Департамена куорат  предпринимателлэрин кытта дьоһун суолталаах боппуруостарынан ыкса үлэлиир. Ол иһин хас биирдии көрүҥҥэ сыана үрдээһинин барытын билэбит», - диэтэ куорат баһылыга. 
Евгений Григорьев бэлиэтээбитинэн, предпринимательство, потребительскай ырыынак уонна туризм сайдыытын Департамена, Олохтоох дьаһалта экэниэмикэҕэ Департамена уонна территориальнай уорганнара ас-үөл сыанатын кэтииллэр, Федеральнай нолуок сулууспатын Саха сиринээҕи Управлениетын, ону сэргэ өрөспүүбүлүкэ  предпринимательствоҕа, эргиэҥҥэ уонна туризмҥа Министиэристибэтин кытта алтыһаллар. 
«Саха» ГТРК «Прямой эфир с городом» бырагырааматын киирэн көрүөххэ сөп.