Куорат былааһа суут буолбатах, ол эрээри үгүһү быһаарар кыахтаах
![Куорат былааһа суут буолбатах, ол эрээри үгүһү быһаарар кыахтаах](https://kiinkuorat.ru/wp-content/uploads/2024/06/tDBugnI6Np.jpg)
Куорат баһылыга Евгений Григорьев гражданнары кытта уочараттаах көрсүһүүтэ сүрүннээн тус сыаллаах боппуруостары быһаарыыга ананна.
Куорат олохтооҕо Валентина О. баһылыкка олорор дьиэ кыһалҕатынан кэлбит. Чуолаан дьиэлээх хаһаайын дьиэ кэргэнин сорох чилиэннэрин бииргэ олорон мунньуммут баайдарыгар-дуолларыгар киирсэр кыбартыыраларыттан таһаарбыт. Кинини суукка үҥсэргэ сүбэлээтилэр, тоҕо диэтэххэ куорат былааһа маннык ис хоһоонноох боппуруоһу быһаарар боломуочуйата суох.
Анал байыаннай дьайыы кыттыылааҕын дьиэ кэргэнин чилиэнэ Елена Ч. сир учаастагар наадыйар. Кинини от ыйыгар сир учаастактарын уочараттаах тыырыыга кэлэ сылдьарыгар ыҥырдылар.
Губинскай уокурук урбаанньыттарын сэбиэтин бэрэссэдээтэлэ Нина Барашкова Оҕо айымньытын дьиэтигэр Ф.И. Авдеева саҕана курдук оҕолору кытта үлэлиир методическай киини тэрийэр туһунан этиилээх кэлбит. Нина Афанасьевна итини сэргэ бэтэрээн баһаатайдары «Дьокуускай куорат иннигэр үтүөлэрин иһин» мэтээлинэн наҕараадалыыр уонна Губинскай уокурукка мас олордуутугар методическай көмө наадатын туһунан көрдөһүүлэрдээх.
Евгений Григорьев наҕараадаҕа түһэриллээччилэр докумуоннарын хомуйа охсон туттарарга сүбэлээтэ. Оттон мас олордуутун боппуруоһугар дендролог Екатерина Павлованы кытта тиксиһиннэриэхтэрэ, диэн иһитиннэрэр Олохтоох дьаһалта пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)