Куорат былааһа хаарбах дьиэлэртэн көһүү боппуруоһун быһаарар
![Куорат былааһа хаарбах дьиэлэртэн көһүү боппуруоһун быһаарар](https://kiinkuorat.ru/wp-content/uploads/2021/11/tPmohvb9WL.jpg)
Сэтинньи 2 күнүгэр киин куорат баһылыга Евгений Григорьев Промышленнай уокурук мас дьиэлэрин туруктарын көрдө уонна уокурук Управлениетын бэрэстэбиитэллэрин кытта олохтоохтору көһөрүү боппуруоһун дьүүллэстэ. Мунньахха баһылыгы ОДьКХ хайысхатынан солбуйааччы Егор Кардашевскай, «Управа Промышленного округа» МХТ салайааччыта Елизавета Служеникина, «Юнион, «Столичное» уонна «Арсенал +» салайар хампаанньалар бэрэстэбиитэллэрэ кытыннылар. Ол туһунан Уокуруктааҕы дьаһалта пресс-сулууспата иһитиннэрдэ.
Промышленнай уокурукка Евгений Григорьев Очиченко уулуссатын 20 №-гэр бараак тииптээх мас дьиэни көрдө, манна дьон 1979 сылтан олорор. Көрөн-истэн баран баһылык туһааннаах тэрилтэлэргэ сокуонунан көрүллүбүт бэрээдэгинэн дьиэни хаарбах туруктааҕынан билинэргэ уонна олохтоохтору көһөрүү боппуруоһун быһаарарга сорудахтаата.
Итини сэргэ, Евгений Григорьев Очиченко 21 №-рин 6-с кыбартыыратыгар доруобуйатынан хааччахтаах оҕолоох ыалга сырытта. Бырааба информациятынан, манна соторутааҕыта дьиэ үрдэ сууллубут. Баһылык олохтоохтор көһүөхтэригэр диэри олорон эрэллэригэр итиини тутар гына өрөмүөннүүллэригэр сорудахтаата. Бу дьиэ хаарбах туруктааҕынан 2017 сыллаахха билиниллибит.
Бырааба салайааччыта Елизавета Служеникина информациятынан, уокурукка 325 элбэх кыбартыыралаах дьиэлэртэн 196-та мас.
Куорат баһылыга Евгений Григорьев, мас дьиэлэри барыларын хаарбах туруктааҕынан билинэр курдук, киэҥ далааһыннаах үлэни былаанныыр. Ити сыалга 2021 сылга куорат бүддьүөтүгэр 2,1 мөл. солк. көрүллүбүт. Быйыл 160-ча дьиэ хаарбах туруктааҕынан билиниллэрэ былааннанар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)