25.01.2024 | 08:00

Куорат баһылыгын отчуоттара саҕаланнылар

Куорат баһылыгын отчуоттара саҕаланнылар
Ааптар: Киин Куорат
Бөлөххө киир

Куорат баһылыгын 2023 сыл түмүгүнэн отчуоттара тохсунньу 23 күнүттэн уопсастыбаннай сэбиэттэртэн саҕаланна. Бэҕэһээ,  тохсунньу 24 күнүгэр, баһылык үп эйгэтин үлэһиттэрин иннигэр отчуоттаата.

Баһылык Евгений Григорьев ааспыт сыл сүрүн ситиһиитинэн дойду бэрэсидьиэнэ Владимир Путин Дьокуускай куорат 2030 сылга диэри сайдыытын маастар-былаанын бигэргэппитин ааттаата. Ол курдук, дойду баһылыга куорат маастар-былаанын чэрчитинэн биэрбит чопчу этиилэрэ өрөспүүбүлүкэ бырабыыталыстыбатын дьаһалынан бигэргэтиллибиттэрин бэлиэтээтэ. Бу дьаһаллар ортолоругар 450 млрд солк. суумалаах араас социальнай, инженернэй эбийиэктэр, тырааныспар инфраструктуратын саҥардыы бааллар. Ол иһигэр 12 саҥа оскуола, 18 оҕо саада, 10 доруобуйа харыстабылын эбийиэгэ, 7 физкултуура уонна спорт эбийиэгэ, 2 култуура уонна 4 эбии үөрэхтээһин эбийиэктэрэ тутуллуохтара.

Ааспыт 2023 сыл бүддьүөтэ Дьокуускай куорат бэйэтин историятыгар аан бастаан 30 млрд солк. тахса суумаҕа тиийдэ, бу сыыппара куорат тус дохуотун, үөһээ бүддьүөттэртэн тыырыллыбыт субсидиялар суоттарыгар ситиһилиннэ.

Нэһилиэнньэ ахсаана 382 тыһыынчаттан тахсыбыт, ол эбэтэр кэлиҥҥи биэс сылга 47 тыһыынча кэриҥэ киһинэн элбээбит.

Куораты тупсарыыга элбэх үлэ ыытыллыбыт, ол иһигэр тиэргэннэри өрөмүөннээһин былаана үс төгүл туолбута бэлиэтэннэ. Урбаан, олорор дьиэни тутуу, тыа хаһаайыстыбатын бородууксуйатын оҥорон таһаарыы тэтимэ үрдүү турара ахтылынна.

Баһылык маны сэргэ киин куоракка биэс нацбырайыак олоххо киллэриллэрин, Үс сыллаах тупсарыы түмүгүн, куорат хаһаайыстыбатын өрө тардыы ситиһиилэрин отчуоттаата.

Чуолаан национальнай бырайыактары олоххо киллэриигэ кэлиҥҥи биэс сылга киин куоракка эбии 17,5 млрд солк. тыырыллыбытын бэлиэтээтэ.

«Хаачыстыбалаах уонна куттала суох суоллар» нацбырайыагынан кэлиҥҥи 5 сылга 164 км усталаах суол ирдэбилгэ сөп түбэһэр гына оҥоһуллубутун, бэлисипиэтинэн, кэлээскэнэн сылдьааччыларга анал суоллар оҥоһуллубуттарын, уулуссаны сырдатыыга үгүс үлэ ыытыллыбытын, оптуобус тохтобуллара, суол бэлиэлэрэ оҥоһуллубуттарын отчуоттаата. «Олорор дьиэ уонна куорат эйгэтэ» нацбырайыагынан хаарбах дьиэттэн көһөрүү бырагыраамата олоххо киллэриллэр, 2019-2025 сс. былаан 2023 сыл түмүгүнэн 90 % туолан, бырагырааманы олоххо киллэрии болдьоҕун иннинэ 2024 сылга түмүктэнэрэ күүтүллэрин санатта.

Олох-дьаһах хаһаайыстыбатын эйгэтигэр, ол иһигэр хомунаалынай тиэхиньикэни саҥардыыга болҕомто ууруллар. Кэлиҥҥи үс сылга 87 устуука хомунаалынай тиэхиньикэ атыылаһыллыбытын, 2022-2023 сс. өрөспүүбүлүкэ бырабыыталыстыбатын өйөбүлүнэн лизининэн 150 саҥа оптуобус кэлбитин бэлиэтээтэ.

Евгений Григорьев маны сэргэ арыгыны утары охсуһуу күүһүрбүтүн, физическэй култуураҕа уонна спорка, СВО кыттыылаахтарыгар уонна кинилэр дьиэ кэргэттэригэр кыраҕы болҕомто уурулларын иһитиннэрдэ.

Уопсастыбаннай сэбиэттэр чилиэннэрэ, национальнай түмсүүлэр, уопсастыбаннай тэрилтэлэр уонна үп эйгэтин бэрэстэбиитэллэрэ баһылык 2023 сыллааҕы үлэтин отчуотун ылыннылар.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....