01.07.2021 | 15:30

Куорат баһылыга физическэй култуура уонна спорт сайдыытын тула мунньахтаата

Куорат баһылыга физическэй култуура уонна спорт сайдыытын тула мунньахтаата
Ааптар: Киин Куорат
Бөлөххө киир

Бэс ыйын 30 күнүгэр Дьокуускай куорат Уокуруктааҕы дьаһалтатыгар куоракка физическэй култуура уонна спорт сайдыытын тула мунньах ыытылынна. Мунньаҕы куорат баһылыга Евгений Григорьев салайан ыытта. 
Тэрээһиҥҥэ СӨ физическэй култуураҕа уонна спортка миниистирин бастакы солбуйааччы Леонид Спиридонов, Дьокуускай куорат көҥүл тустууга Федерациятын Бырабылыанньатын бэрэссэдээтэлэ Прокопий Иванов, куорат боксаҕа Федерациятын бэрэссэдээтэлэ Гаврил Парахин,  куораттааҕы самбо Федерациятын Бэрэсидьиэнэ Фархат Садыков, СӨ сборнай хамаандаларын бэлэмниир өрөспүүбүлүкэтээҕи Киин дириэктэрэ Михаил Пахомов,  Дьокуускай куораттааҕы оҕо спортивнай оскуолаларын бэрэстэбиитэллэрэ, баһылык солбуйааччылара уонна куорат дьаһалтатын структурнай салааларын салайааччылара кытыннылар. 
Сүбэ-мунньах чэрчитинэн куорат территориятыгар спортивнай эбийиэктэр ситимнэрин сайыннарыы, эрдэҕэс оҕо ортотугар буруйу оҥоруу, оҕо спордун сайдар концепциятын уонна оҕо спортивнай лааҕырдарын тэрийии боппуруостара көрүлүннэ. 
Мустубут дьон санаатын истэн баран куорат баһылыга Дьокуускай территориятыгар спортивнай эбийиэктэр ураты суолталаахтарын бэлиэтээтэ. 
«Элбэх оҕону, эрдэҕэстэри уонна ыччаты спортка, чөл олоххо сыһыарар курдук хас биирдии уокурукка спортивнай эбийиэк баара ирдэнэр. Оччоҕо эрэ буруйу оҥоруу аччыан сөп», - диэтэ Евгений Григорьев.
Физическэй култуура уонна спорт Управлениетыгар 10 хонук иһигэр салгыы үлэлииргэ оробуочай суол каартатын оҥороллоругар уонна саҥа спортивнай саалалары үлэлэтэргэ этиилэри киллэрэллэригэр, күрэхтэһиилэри элбэтэллэригэр сорудах бэрилиннэ. 
Итини сэргэ Евгений Григорьев быйыл куоракка 15 спортивнай балаһаакка уонна Күөх хонуу кытыытынан Чернышевскай уулуссатыгар спортивнай тэриллэр туруохтара диэн эттэ. 
Былырыын куорат дьаһалтатын иһинэн тэриллибит физическэй култуура уонна спорт сайдыытын Уопсастыбаннай Сэбиэтэ ый аайы мунньахтыаҕа. Аныгыскы мунньах от ыйын бүтэһик күннэригэр ыытыллара былааннанар.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...