Куорат баһылыга Евгений Григорьев Олохтоох бэйэни салайыныы күнүнэн эҕэрдэтэ

Бүгүн, муус устар 21 күнүгэр, Арассыыйаҕа Олохтоох бэйэни салайыныы күнэ бэлиэтэнэр. 
Бу бырааһынньыгынан бэйэм кэллиэгэлэрбин эҕэрдэлиэхпин баҕарабын – былаас муниципальнай уорганнарын салайааччыларын – өрөспүүбүлүкэ оройуоннарын, куораттарын, бөһүөлэктэрин уонна нэһилиэктэрин баһылыктарын, дьаһалталар сотрудниктарын, кинилэр санныларыгар билиҥҥи элбэх боппуруостары быһаарар улахан эппиэтинэс сүктэриллэр. Муниципальнай бэйэни салайыныы уорганнара – ити нэһилиэнньэҕэ саамай чугас былаас.  
Ол эрэн, олохтоох бэйэни салайыныы – ити мэрия, сэлиэнньэ дьаһалтата эбэтэр управа эрэ буолбатах. Ити, аан бастакынан, куорат олохтоохторун бэйэлэрин көҕүлээһиннэрэ, дьон территорияларын сайдыытыгар, публичнай көрүүлэргэ, куорат боппуруостарынан куоластааһыҥҥа кыттыылара уо.д.а. Биһиги куорат кыһалҕаларын быһаарарга көмөлөһөр көхтөөх уопсастыбанньыктарбытын, кэмиэрсийэтэ суох тэрилтэлэри куорат баһылыгын гырааннарын, «Норуот бүддьүөтэ» бырайыагын, Уопсастыбаннай бэйэни салайыныы территорияларын субсидияларын нөҥүө салгыы өйүү туруохпут.