22.11.2021 | 13:00

Куорат бүддьүөтүн кэлэр сыллардааҕы бырайыагын дьүүллэстилэр

Куорат бүддьүөтүн кэлэр сыллардааҕы бырайыагын дьүүллэстилэр
Ааптар: Киин Куорат

Сэтинньи 19 күнүгэр  ««Дьокуускай куорат» куораттааҕы уокурук 2022 сылга уонна былааннааммыт болдьоххо 2023 уонна 2024 сылларга» Дьокуускай куораттааҕы Дуума быһаарыытын бырайыагын көрүү публичнай истиитэ Уокуруктааҕы дьаһалта 2021 сыл алтынньы 27 күнүнээҕи 2066р №-дээх дьаһалыгар олоҕуран ыытылынна. Бу туһунан Уокуруктааҕы дьаһалта пресс-сулууспата иһитиннэрдэ. 
Уокуруктааҕы дьаһалта үпкэ Департаменын начаалынньыга Ольга Максимова иһитиннэрбитинэн, 2022 сылга бүддьүөт дохуота 9 097 мөл. солк. тэҥнэһэр, ороскуот - 9 369 мөл. солк. (272 мөл. солк. дефициттаах).  2023 сылга дохуот уонна ороскуот 9 859 мөл. солк., оттон 2024 сылга – 10 751 мөл. солк. буолара былааннанар.
Итини сэргэ, Ольга Максимова бүддьүөт дохуоттаах уонна ороскуоттаах чаастарын, муниципальнай бырагыраамаларга уонна бүддьүөт бырагыраамаҕа киирбэтэх ороскуоттарын туһунан сиһилии быһаарда. 
Публичнай истии кэмигэр экспертэр – Дьокуускай куораттааҕы Дуума бэрэссэдээтэлин бастакы солбуйааччы Евдокия Евсикова, М.К. Аммосов аатынан ХИФУ Финансово-экономическэй институтун «Экономика уонна үп» кафедратын доцена Афанасий Федоров, СӨ стратегическай чинчийиигэ Киинин макроэкономическэй анаалыска салаатын салайааччыта Юлия Филиппова, Дьокуускай куорат Уопсастыбаннай палаататын бэрэссэдээтэлин солбуйааччы Мария Петрова уонна СӨ үпкэ Министиэристибэтин түмүктэрэ истилиннэ.
М.К. Аммосов аатынан ХИФУ Финансово-экономическэй институтун «Экономика уонна үп» кафедратын доцена Афанасий Федоров бүддьүөт бырагырааматын тэрээһиннэрэ суолталаахтарын бэлиэтээтэ уонна муниципальнай иэс кээмэйэ аччыырыгар сабаҕалааһыны үчүгэйинэн сыаналаата. 
Сүбэлэр публичнай истии түмүк докумуоннарыгар киирдилэр. Докумуоннар Дьокуускай куораттааҕы Дуума сис хамыыһыйаларын мунньаҕар, онтон сессиятыгар бүддьүөт бырайыагын иккис ааҕыытын чэрчитинэн көрүллүөхтэрэ.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...