Куораппыт ыраас буоларын туһугар

Бас билэр дьиэлээхтэргэ

Дьокуускай куорат Дуумата 30.06.2021 с. ылыммыт Тупсарыы быраабылатынан  чааһынай дьиэлэр тиэргэннэриттэн бөҕү хомуйуу уонна тиэйии уратылара олохтоммута:

- кэтэх, чааһынай дьиэлээхтэр, бэйэтин бас билэр сиригэр-уотугар тутуллубут эбийиэктэрдээх киһи, физическэй сирэй, о.э. сир учаастактарын, ИЖС бас билээччилэрэ уонна онно куруук олорор физическэй сирэйдэр бөхтөрүн-сыыстарын бэйэлэрэ хомуйаллар;

- чааһынай дьиэлээхтэр аттыларыгар бөҕү тоҕорго анаан контейнердар туруоруллаллар, эбэтэр анал оборудованиелаах, контейнердардаах балаһааккалары тэрийэллэр, улахан кээмэйдээх бөҕү бункердаах балаһааккаларга барыта анал схеманан, ыйыынан-кэрдиинэн оҥоһуллубут балаһааккаларга хомуйаллар, тоҕоллор;

- кытаанах хомунаалынай тобохторго (ТКО) сыһыана суох бөҕү кэтэх дьиэлээх киһи анал толуон ылан полигоҥҥа илдьиини бэйэтэ хааччыйар;

- ТКО бас билээччилэр өҥөнү оҥорууга дуогабар түһэрсиэхтээхтэр эбэтэр сирэй счет арыйыахтаахтар, маныаха региональнай оператор аадырыһыгар сайаапка ыыталлар, ТКО мунньуллар сирдэрин, миэстэтин ыйан туран;

- I - IV кылааска сыһыаннаах тобохтору 24.06.1998 Н 89-ФЗ “Об отходах производства и потребления и другими нормативными правовыми актами” федеральнай сокуоҥҥа сөп түбэһиннэрэн мунньан баран суох гыналлар.

-  оҥоһуллан тахсыбыт уматык-оҕунуох матырыйааллара, массыыналар шиналара, аккумулятордар, хаарбах тимир, ртуттаах лаампалар булгуччулаах наардааһыны ааһыахтаахтар, ол кэннэ сөптөөх дуогабардары түһэрсэн, анал тэрилтэлэринэн утилизацияҕа тиэрдиллэллэр.

Бобуллар:

- тобоҕу, бөҕү-сыыһы көҥүллэммэт сиргэ илдьэн ууруу, ол иһигэр  тиэргэн таһыгар кыстааһын;

- тобоҕу (ол иһигэр хаппыт сэбирдэх, от, бөх-сыыс) ханнык баҕарар ньыманан бэйэ харайыы, ол иһигэр олорор дьиэҥ тэлгэһэтигэр, сиригэр-уотугар, атын да бу сыалга анаан бэриллибэтэх сирдэргэ уматыы;

- умайар, итии эбэтэр итии тобохтору, улахан кээмэйдээх тобохтору, хаары уонна мууһу, сырдатар прибордары, батареялары уонна электрическэй лаампалары, медицинскэй тобохтору, ону тэҥэ контейнердары тиэйэр, сүөкүүр дьон олоҕор уонна доруобуйатыгар буортуну оҥорор, контейнердары, бөх тиэйэр тиэхиньикэни алдьатар-кээһэтэр эбэтэр бөҕү оҥорон таһаарар эбийиэктэр үлэлэрин эрэсиимин кэһэр, кытаанах хомунаалынай тобохтору көмөр.

Көҥүлэ суох сирдэргэ бөхтөрүн, тобохторун тиэйэн илдьибит дьон ону бэйэлэрин суоттарыгар хомуйар уонна ыраастыыр эбээһинэстээхтэр.

Муниципальнай тэриллии сирин-уотун ыраастааһын быраабылатын ирдэбиллэрин кэһии иһин Саха Өрөспүүбүлүкэтин Кодексын 6.25 ыстатыйатыгар олоҕуран административнай кэһиилэр тустарынан эппиэтинэс көрүллэр:

- бастакы кэһии иһин сэрэтии эбэтэр гражданнарга биир тыһыынчаттан үс тыһыынчаҕа диэри суумалаах административнай ыстараап көрүллэр; дуоһунастаах дьоҥҥо – уонтан отут тыһыынча солкуобайга тиийэ; юридическай сирэйдэргэ – биэс уон тыһыынча солкуобайтан биэс сүүс тыһыынчаҕа диэри;

- хаттаан кэһиигэ гражданнарга үс тыһыынчаттан биэс тыһыынча солкуобайга диэри административнай ыстараап түһэр; дуоһунастаах сирэйдэргэ – отут тыһыынчаттан биэс уон тыһыынча солкуобайга диэри; юридическай сирэйдэргэ – биэс сүүс тыһыынчаттан биир мөлүйүөн солкуобайга диэри.

Тулалыыр эйгэҕэ харыстабыллаахтык сыһыаннаһарга ыҥырабыт уонна көҥүлэ суох сыбаалка баһаар төрүөтэ, ону тэҥэ кыылы-сүөлү тардар миэстэ буоларын санатабыт.

Дьокуускай куорат Олохтоох дьаһалтатын Муниципальнай инспекциятын управлениета