30.06.2021 | 10:00

Куоракка сөтүөлүүр сир аһыллара чугаһаата

Куоракка сөтүөлүүр сир аһыллара чугаһаата
Ааптар: Киин Куорат

202 микрооройуоҥҥа куораттааҕы пляж аһыллыытыгар бэлэмнэнии үлэтэ тэтимнээхтик барар. 
«Куорат баанньыктара» МУТ дириэктэрэ Василий Поскачин информациятынан, пляж территориятыгар 4 сиргэ биотуалет, 2 илии суунар оҥоһулла сылдьаллар. Маны сэргэ оҕо сөтүөлүүр сирэ туспа баар буолуоҕа. 
«Коронавирус дьаҥыттан хааччахтааһын миэрэлэринэн сибээстээн быйыл сынньанааччыларга сытар сири уонна зуонтары туруорар кыахпыт суох. Сөтүөлүүр сезон официальнайдык аһылыннаҕына, пляжка киириигэ бэйэни көмүскүүр средстволары биэриэхтэрэ.  Куорат баһылыга Евгений Григорьев сорудаҕынан пляж 203 микрооройуоҥҥа тиийэ уһатыллыахтаах», - диэн эттэ Василий Поскачин.
Ааспыт нэдиэлэҕэ СӨ быыһыыр сулууспата уу түгэҕин ыраастыыр үлэни ыыппыт. Бэс ыйын 25 күнүгэр Роспотребнадзор Саха сиринээҕи Управлениета 202 микрооройуоҥҥа баар куораттааҕы пляж уута судаарыстыбаннай санитарнай-эпидемиологическэй быраабылаларга уонна нуормаҕа толору эппиэттиир диэн түмүгү оҥорбут. 
Пляж официальнай аһыллыыта бу күннэргэ былааннанар. Манна киирии икки сиринэн – кылаабынай аанынан уонна 203 микрооройуон өттүттэн буолуоҕа. Сөтүөлүүр сир сарсыарда 9.00 чаастан киэһэ 21.00 чааска диэри үлэлиэҕэ.

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...