26.09.2020 | 18:16

Куоракка үлэтэ суох дьону үөрэттэрэллэр

Куоракка үлэтэ суох дьону үөрэттэрэллэр
Ааптар: Киин Куорат

Нэһилиэнньэ дьарыктаах буолуутун управлениетын “Мин үлэм” Офиһа үлэтэ суох куорат олохтоохторун үлэ ырыынагын билсиһэллэригэр ыҥырар, идэни талар уонна психологическай көмөнү оҥорор.

Коронавирус дьаҥа тарҕаммыт кэмигэр киин куоракка үлэтэ суох киһи ахсаана элбиир. Тустаах управление дааннайын ылан көрдөххө, билигин Дьокуускай үрдүнэн 12 тыһыынча 296 үлэтэ суох киһи баар. Былырыыҥҥы сыыппараны кытта тэҥнээтэххэ, көрдөрүү 11 төгүл үрдээбит.

Управление профессиональнай үөрэхтээһиҥҥэ уонна идэни талыыга үлэлэһэр салаатын начаалынньыга Ньургун Афанасьев иһитиннэрбитинэн, 1 479 киһиэхэ идэҕэ сирдиир судаарыстыбаннай өҥө оҥоһуллубут. 9 ый устата, балаҕан ыйын киллэрэн туран, 270 киһи үөрэнэ сылдьар.

“Нэһилиэнньэ көмүскэлэ суох араҥата, үлэ буларга ыарахаттары көрсөр дьоҥҥо сүрүн болҕомто ууруллар  – ыччакка, нэһилиэк олохтоохторугар, суох буолбут тэрилтэттэн уурайбыт, үлэһит ахсаанын аҕыйатыыга түбэспит, уһун болдьоххо үлэлээбэт, идэтэ суох дьоҥҥо уонна тулаайахтарга”, – диэн бэлиэтээтэ Ньургун Алквиадович.

Нэһилиэнньэ дьарыктаах буолуутун управлениета үлэтэ суох дьону босхо үөрэнэллэригэр, идэлэрин уларыталларыгар, суоппар, бульдозер, экскаватор машинистара, иистэнньэҥ, асчыт, электромонтер, сварщик, паркимахер, иитээччи, о.д.а. идэ куурустарыгар ыҥырар.  Ону таһынан «1С бухгалтерия», «1С торговля», «Управление персоналом», «Управление государственными и муниципальными закупками» диэн идэни үрдэтэр куурустары сэргииргитигэр сүбэлиир.

Профессиональнай үөрэхтээһин, идэни сөпкө талыы туһунан (4112) 507-526 төл. эрийэн эбэтэр 8-962-735-30-13 бассаапка суруйан ыйыталаһыаххытын сөп. Электроннай почта: oproff@bk.ru.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...