Куоластаа, күрэҕи өйөө!

Оскуола үөрэнээччилэрин ортотугар ыытыллар Бүтүн Арассыыйатааҕы  «Смотри, это Россия!» видеонан күрэх Саха өрөспүүбүлүкэтин «Юные якутяне» ресурснай киинин көҕүлээһининэн 2020 сыллаахха тэриллибитэ. Онон быйыл үһүс төгүлүн ыытылла турар. Күрэх быйылгы тиэмэтэ – “Мин регионум киэн туттуута”. Кыттааччылар бэйэлэрин төрөөбүт дойдуларын уһулуччулаах дьоннорун уонна ситиһиилэрин туһунан видео бэлэмнээн, тэрийээччилэр анаабыт регионнарыгар аадырыстаан ыыталлар.
Бастакы күрэх Арассыыйа 85 регионун хаппыта биллэр. Онно 3500-тэн тахса хамаанданан 17 500 кыттааччы ситиһиилээхтик кыттыбыт.

Бырайыак туһунан

Күрэх ураты кэскиллээх сыаллааҕа-соруктааҕа биллэн, Арассыыйа таһымыгар тахсар кыаҕы ситиспит. Быйыл Донецкай уонна Луганскай норуодунай өрөспүүбүлүкэлэртэн, Запорожскай уонна Херсонскай уобаластартан 5-11 кылаас үөрэнээччилэрэ кытта сылдьаллар. Дойду үрдүнэн 2 тыһыынча сайаапка киирбит. Бүгүҥҥү туругунан Донецкай норуодунай өрөспүүбүлүкэ инники күөҥҥэ сылдьар.

Күрэх тугу биэрэрий?

— Атын регион олоҕун-дьаһаҕын, үтүө үгэстэрин кытта үөрэнээччилэри билиһиннэрэр, билиилэрин хаҥатар;

— Оҕолор атын куораттартан, регионнартан саҥа доҕоттордонор кыахтаахтар;

— Бэйэ-бэйэлэриттэн тыһыынчанан километрга тэйиччи олорон, дойдуларын уһулуччулаах дьоннорун билиһиннэрэр кыахтаахтар.

Күрэх сүрүн түһүмэхтэрэ

1. 5 киһилээх хамаанданы хомуйуу;

2. Хамаанданы күрэх саайтыгар регистрациялааһын;

3. Маастар-кылаастарга ролигы устарга үөрэнии, биллиилээх блогердары, контент-мейкердары кытта кейстары бэлэмнээһин;

4. Хамаанда тус кабинетыгар төрөппүт сөбүлэҥин ылан туран видеону саайка киллэрии;

5. Доҕоттору уонна чугас дьону көрдөһөн, бэйэ хамаандатын туһугар куоластатыы уонна сүрүн бириис иһин кыайыыга эрэллээхтик хардыылааһын.

Бастыҥ видеолары хайдах быһааралларый?

Кыайыылаахтары быһаарыы күрэх саайтыгар ыытыллар. «Куоластааһын» диэн салааҕа киирэн «ВКонтакте” биитэр “Одноклассники” социальнай ситим нөҥүө куоластыыр хамаандабытын талабыт.

Куолаастаһын ахсынньы 18 күнүнэн түмүктэнэр. Уопсайа үс бөлөх сааһынан арахсан турар.

Кыайыылаахтарга – смартфоннар

Биллэн турар, хас биирдии улахан күрэх үчүгэй бириистээх буолар. Бастыҥ роликтары оҥорбут үөрэнээччилэр аныгы смартфонунан наҕараадаланыахтара. Ону таһынан, тэрийээччилэр «Креатив в изучении своей малой родины», «Юные амбассадоры своего региона», «Знание», «Дети России», «Лучший сценарий» уонна «Лучшая операторская работа» анал ааттары аныахтара.

https://lookitsrussia.ru/golosovanie/?region=56

Хайдах куоластыыбыт?

Төлөпүөнүҥ камератын бу көстөр QR-кодка даҕайан, видеороликтарга киир уонна сөбүлээбит роликкар куоластаа. Роликтар хайдах уһуллалларын көрөн, баҕар, эһиил бэйэҥ кыттыаҥ!

Дьокуускай куораттан кыттар хамаандалар